കൂടുതല്‍ കാലം തിയേറ്ററുകളില്‍ നിറഞ്ഞോടിയ സിനിമകളിലൊന്നാണ് "ചിത്രം". ഈ ചിത്രത്തില്‍ നായികയായി അഭിനയിച്ച രഞ്ജിനിയെ ഇന്നും പ്രേക്ഷകര്‍ ഓര്‍ത്തിരിക്കുന്നുണ്ട്. രൂപത്തില്‍ മാറ്റം വന്നുവെങ്കിലും താരം ഇന്നും മലയാളികളുടെ പ്രിയപ്പെട്ട അഭിനേത്രിയാണ്. കഴിഞ്ഞ ദിവസം നടന്ന അമ്മയുടെ വാര്‍ഷിക യോഗത്തിനിടയിലെ തീരുമാനത്തെക്കുറിച്ച്‌ താരം ഫേസ്ബുക്കില്‍ പ്രതികരണം രേഖപ്പെടുത്തിയിട്ടുണ്ട്.

നടി ആക്രമിക്കപ്പെട്ട സംഭവത്തിന് ശേഷം ചേര്‍ന്ന യോഗത്തിനെ വിമര്‍ശിച്ചും രഞ്ജിനി പരസ്യമായി രംഗത്തുവന്നിരുന്നു. ദിലീപിനെ തിരിച്ചെടുത്ത നടപടിയെ വിമര്‍ശിച്ചാണ് ഇപ്പോള്‍ താരം രംഗത്തെത്തിയിട്ടുള്ളത്. ക്ഷണനേരം കൊണ്ടാണ് താരത്തിന്റെ പോസ്റ്റ് വൈറലായത്.

രഞ്ജിനിയുടെ ഫെയ്സ്ബുക്ക് കുറിപ്പ് ഇങ്ങനെ...

അസോസിയേഷൻ ഓഫ് മലയാളം സിനിമാ ആർട്ടിസ്റ്റ്, അമ്മ; എന്ന ചുരുക്കപ്പേര് മാറ്റേണ്ട സമയമാണിത്. ഇത് സിനിമയിലെ സ്ത്രീകൾക്ക് ഇതൊരു അപമാനമാണ്. മലയാള സിനിമയിൽ നിലനിൽക്കുന്ന പുരുഷമേധാവിത്വത്തിനുള്ള ഒരു തെളിവാണിത്. കേസ് നടന്ന് കൊണ്ടിരിക്കെ ദിലീപിനെ സംഘടനയിലേക്ക് തിരിച്ചെടുത്തത് എന്തിന്? അമ്മയുടെ നിലപാട് കാണുമ്പോൾ അഭിനേതാക്കളുടെ ക്ഷേമത്തിനും സംരക്ഷണത്തിനുമായി പ്രവർത്തിക്കുന്ന ഒരു സംഘടനയാണിതെന്ന് എനിക്ക് തോന്നുന്നില്ല. നമ്മുടെ സഹോദരിക്ക് നീതിയെവിടെ?