വീണ്ടും അവരുടെ യാത്ര തുടരുന്നു ; എൺപതുകളിലും തൊണ്ണൂറുകളിലും മലയാളികളുടെ മനം കവർന്ന പ്രണയ ജോഡികളായ മമ്മൂട്ടിയും സുഹാസിനിയും നീണ്ട ഇടവേളക്ക് ശേഷം വീണ്ടും ഒന്നിക്കുന്നു
എൺപതുകളിലും തൊണ്ണൂറുകളിലും മലയാളികളുടെ മനം കവർന്ന പ്രണയ ജോഡികളായ മമ്മൂട്ടിയും സുഹാസിനിയും നീണ്ട ഇടവേളക്ക് ശേഷം വീണ്ടും ഒന്നിക്കുന്നു. മമ്മൂട്ടിയുടെ തെലുങ്ക് ചിത്രമായ യാത്രയിലാണ് താരജോഡികൾ വീണ്ടും ഒന്നിക്കുന്നത്. വൈഎസ് ആറിന്‍റെ ജീവിതകഥ പറയുന്ന തെലുങ്ക് ചിത്രത്തിലാണ് സുഹാസിനി മമ്മൂട്ടിക്കൊപ്പം വേഷമിടുന്നത്. ആന്ധ്രപ്രദേശിന്‍റെ മുന്‍ മുഖ്യമന്ത്രിയായിരുന്ന രാജശേഖര്‍ റെഡ്ഡിയുടെ ജീവിതമാണ് സിനിമയില്‍ ആവിഷ്‌കരിക്കുന്നത്.
കഥ ഇതുവരെ, കൂടെവിടെ, എന്‍റെ ഉപാസന, രാക്കുയിലിന്‍ രാഗസദസ്സില്‍ തുടങ്ങിയ ചിത്രങ്ങളിൽ ഇവർ ജോഡികളായിരുന്നു. എന്നാൽ യാത്രയില്‍ ഇരുവരും നായികാനായകന്മാരല്ലയെങ്കിലും വളരെ പ്രധാനപ്പെട്ട വേഷമാണ് സുഹാസിനിക്ക് ഉള്ളത്. ഹൈദരാബാദില്‍ യാത്രയുടെ ചിത്രീകരണം നടക്കുകയാണ്. മാഹി രാഘവാണ് യാത്രയുടെ സംവിധായകന്‍. വൈഎസ്ആറിന്‍റെ 1475 കിലോമീറ്റര്‍ ദൈര്‍ഘ്യമുണ്ടായിരുന്ന പദയാത്രയെ അടിസ്ഥാനമാക്കിയാണ് സിനിമ.
https://www.facebook.com/Malayalivartha
