'അഡാര് ലവ്' നിർമ്മാതാവിന് കെണിയായി ; സംവിധായകൻ ഒമര് ലുലുവിനെതിരെ പരാതിയുമായി നിര്മ്മാതാവ് രംഗത്ത്
പുറത്തിറങ്ങാനിരിക്കുന്ന അഡാര് ലവ് എന്ന സിനിമയുടെ സംവിധായകന് ഒമര് ലുലുവിനെതിരെ പരാതിയുമായി നിര്മാതാവ് ഔസേപ്പച്ചന് രംഗത്തെത്തി. 30 ലക്ഷം രൂപ തന്നില് നിന്നും കൈപ്പറ്റിയിട്ടും സിനിമയുടെ ചിത്രീകരണം പൂര്ത്തിയാക്കാന് സംവിധായകന് ഇതുവരെ തയ്യാറായിട്ടില്ലെന്നാണ് പരാതി. നിശ്ചയിച്ച സമയത്ത് സിനിമ പുറത്തിറങ്ങാത്തത് മൂലം തനിക്ക് ലക്ഷങ്ങളുടെ നഷ്ടമുണ്ടായതായും നിര്മാതാവ് ആരോപിക്കുന്നു. ഇക്കാര്യങ്ങള് ചൂണ്ടിക്കാട്ടി ഫിലിം പ്രൊഡ്യൂസേഴ്സ് അസോസിയേഷന് പരാതി നല്കിയിട്ടുണ്ട്. എന്നാല് സംവിധായകന് ഒമര് ലുലു ഇക്കാര്യത്തില് ഇതുവരെ പ്രതികരിച്ചിട്ടില്ല.
മാണിക്യ മലരായ പൂവി എന്ന ഗാനത്തോടെ പുറത്തിറങ്ങുന്നതിന് മുമ്ബ് തന്നെ പ്രശസ്തമായ സിനിമയാണ് ഒരു അഡാറ് ലവ്. ചിത്രത്തിന്റെ പുറത്തിറങ്ങിയ ട്രെയിലറും ഏറെ ശ്രദ്ധിക്കപ്പെട്ടിരുന്നു. അതേസമയം, ചിത്രത്തിന്റെ റിലീസ് സംബന്ധിച്ച് അനിശ്ചിതത്വങ്ങള് നിലനില്ക്കുന്നതായാണ് വിവരം.
https://www.facebook.com/Malayalivartha