മോഹന്‍ലാല്‍ ചിത്രം രണ്ടാമൂഴത്തിനായി 100 ഏക്കറിൽ സെറ്റൊരുങ്ങുന്നു. പാലക്കാട് – കോയമ്പത്തൂര്‍ റൂട്ടിലാണ് ചിത്രത്തിനായുള്ള ബ്രഹ്മാണ്ഡ സെറ്റൊരുക്കുന്നത്. സിനിമയുടെ ചിത്രീകരണത്തിനു ശേഷം ഈ സ്ഥലം ‘മഹാഭാരത സിറ്റി’ എന്ന പേരില്‍ മ്യൂസിയമാക്കാനാണ് തീരുമാനം.

ചിത്രത്തിന് വേണ്ടി മൂന്നര മാസം കൊണ്ടാണ് എം.ടി.വാസുദേവന്‍ നായര്‍ തിരക്കഥ എഴുതിതീര്‍ത്തത്. 1000 കോടി ബജറ്റിലൊരുങ്ങുന്ന ചിത്രത്തില്‍ ഹോളിവുഡ് താരം ജാക്കി ചാനും ഉണ്ടാകുമെന്നാണ് സൂചന. സംഘട്ടനം പീറ്റര്‍ ഹെയിനാണ്.

2020ല്‍ രണ്ടാമൂഴം തീയേറ്ററുകളിലെത്തിക്കാനാണ് അണിയറപ്രവര്‍ത്തകരുടെ തീരുമാനം. മലയാളം, തമിഴ്, ഹിന്ദി, തെലുങ്ക് ഭാഷകളില്‍ ചിത്രീകരിക്കുന്ന രണ്ടാമൂഴം ലോകത്തെ പ്രധാന ഭാഷകളിലേക്കും മൊഴിമാറ്റം ചെയ്യപ്പെടുമെന്നാണ് റിപ്പോർട്ട്.