നടൻ സുരേഷ് ഗോപിയെ സംബന്ധിച്ച് ഏറ്റവും സന്തോഷം നിറഞ്ഞ വർഷമായിരുന്നു കഴിഞ്ഞു പോയത്. മൂത്ത മകൾ ഭാഗ്യ സുരേഷിന്റെ വിവാഹവുമായി ബന്ധപ്പെട്ടാണ് ആദ്യം നടൻ വാർത്തകളിൽ നിറഞ്ഞു നിന്നത്. കഴിഞ്ഞ വർഷം നടന്ന താരവിവാഹങ്ങളിൽ ഏറ്റവും കൂടുതൽ ആഘോഷിക്കപ്പെട്ട വിവാഹമായിരുന്നു നടനും കേന്ദ്രമന്ത്രിയുമായ സുരേഷ് ഗോപിയുടെ മൂത്തമകൾ ഭാഗ്യ സുരേഷിന്റേത്. ആ വിവാഹം നടന്നിട്ട് ജനുവരി 17 ന് ഒരു വര്‍ഷം പൂര്‍ത്തിയായിരിക്കുന്നു. മകളുടെ വിവാഹ വാര്‍ഷികത്തില്‍ ഏറെ വൈകി സുരേഷ് ഗോപി പങ്കുവച്ച പോസ്റ്റാണ് ഇപ്പോള്‍ സോഷ്യല്‍ മീഡിയയില്‍ വൈറലായി മാറുന്നത്. ഭാഗ്യയ്ക്കും ശ്രേയസ്സിനും ഒപ്പമുള്ള ഒരു കുടുംബ ചിത്രം പങ്കുവച്ചുകൊണ്ടായിരുന്നു സുരേഷ് ഗോപി കുറിപ്പ് പങ്കുവെച്ചത്..

ആ പോസ്റ്റ് ഇങ്ങനെ...

'ഒരു വര്‍ഷത്തെ ഒന്നിച്ചുള്ള ജീവിതം, ജീവിത കാലം മുഴുവനുള്ള ഒരോര്‍മ്മ. പ്രിയപ്പെട്ട ഭാഗ്യ സുരേഷിനോടും ശ്രേയസിനോടും നിങ്ങളുടെ ആദ്യ വിവാഹ വാര്‍ഷികത്തില്‍, നിങ്ങളുടെ മനോഹരമായ ബോണ്ടിങ് കാണുന്ന ഞാന്‍ എത്രത്തോളം അഭിമാനിക്കുന്നു എന്ന് പറയാന്‍ ആഗ്രഹിക്കുന്നു'. ഈ ഒരു സ്‌പെഷ്യല്‍ ഡേ നമുക്ക് ഗ്രാന്റ് ആയി സെലിബ്രേറ്റ് ചെയ്യണം എന്ന് ഞാന്‍ ആഗ്രഹിച്ചിരുന്നു. പക്ഷേ എന്റെ ആരോഗ്യസ്ഥിതി ഇപ്പോള്‍ അതുമായി സഹകരിക്കുന്നില്ല. എനിക്ക് കുറച്ചൊന്ന് സുഖപ്പെട്ടു കഴിയുന്നത് വരെ, ഈ ആഘോഷം നമുക്ക് മറ്റൊരു ദിവസത്തിലേക്ക് മാറ്റിവയ്ക്കാം'. ഇനിയും ഒരുപാട് വര്‍ഷങ്ങള്‍, പ്രണയവും സന്തോഷവും സാഹസികതയും ഒരുമിച്ച് മുന്നോട്ട് കൊണ്ടു പോകാന്‍ സാധിക്കട്ടെ. നിങ്ങളുടെ ബോണ്ടിങ് ഓരോ ദിവസം കഴിയുന്തോറും കൂടുതല്‍ ശക്തമാകട്ടെ, വാക്കുകള്‍ കൊണ്ട് പറഞ്ഞറിയിക്കാന്‍ കഴിയാത്ത അത്രയും നിങ്ങള്‍ രണ്ട് പേരെയും ഞാന്‍ ഇഷ്ടപ്പെടുന്നു. ഒന്നാം വിവാഹ വാര്‍ഷിക ആശംസകള്‍' എന്നാണ് സുരേഷ് ഗോപി ഇന്‍സ്റ്റഗ്രാമില്‍ കുറിച്ചത്. വിവാഹ വാര്‍ഷികത്തോട് അനുബന്ധിച്ച് ഭാഗ്യ സുരേഷും ഇന്‍സ്റ്റഗ്രാം സ്‌റ്റോറിയുമായി എത്തിയിരുന്നു .2019 ല്‍ നിന്ന് 2024 ലേക്ക് എത്തുമ്പോഴുള്ള മാറ്റത്തെ കുറിച്ചാണ് ഭാഗ്യയുടെ ഇന്‍സ്റ്റഗ്രാം പോസ്റ്റ്. അതിനൊപ്പം കല്യാണ വീഡിയോയും ഭാഗ്യ ഇന്‍സ്റ്റഗ്രാം സ്‌റ്റോറിയിലൂടെ പങ്കുവച്ചിട്ടുണ്ട്. നിരവധി പേരാണ് ഭാഗ്യയ്ക്കും ശ്രേയസിനും ആശംസകൾ നേർന്ന് എത്തിയത്.