ജനന തിയതി പ്രകാരം ചില പ്രത്യേക വസ്തുക്കള്‍ സൂക്ഷിയ്ക്കുന്നത് സമ്പത്തും ഐശ്വര്യവും നല്‍കുമെന്നാണ് പറയപ്പെടുന്നത്. ജനനത്തീയതിയനുസരിച്ച് നിങ്ങള്‍ക്കു ഭാഗ്യം നല്‍കുന്ന വസ്തുക്കള്‍ ഏതെല്ലാമാണെന്ന് നോക്കാം. രണ്ടക്ക നമ്പറില്‍ ജനിച്ചവരെങ്കില്‍ അക്കങ്ങള്‍ കൂട്ടിക്കിട്ടുന്ന സംഖ്യയാണ് കണക്കാക്കേണ്ടത്.

10, 19, 28 തീയതികളില്‍ ജനിച്ചവരാണെങ്കില്‍ 1 ആയി സംഖ്യയെടുക്കാം. ഇവര്‍ മരം കൊണ്ടുള്ള ഓടക്കുഴല്‍ വീട്ടില്‍ സൂക്ഷിയ്ക്കുന്നത് നല്ലതാണെന്ന് പറയപ്പെടുന്നു. 2, 11. 29 തീയതികളില്‍ ജനിച്ചവരുടെ സംഘ്യ 2 ആണ്. ഇത്തരക്കാര്‍ വെളുത്ത നിറത്തിലെ ഷോപീസ് വടക്കുതെക്കു ഭാഗത്തായി സൂക്ഷിയ്ക്കുന്നത് ഭാഗ്യവും ഐശ്വര്യവും കൊണ്ടുവരും. 3, 12, 21, 30 എന്നീ ദിവസങ്ങളില്‍ ജനിച്ചവര്‍ക്ക് 3 ആണ് സംഘ്യ. ഇവര്‍ ഒരു രുദ്രാക്ഷമാല വീടിന്റെ വടക്കുകിഴക്കു ദിശയില്‍ സൂക്ഷിയ്ക്കുന്നത് നല്ലതാണ്.

4, 13, 22 തീയതികളിലാണ് ജനനമെങ്കില്‍ 4 ആണ് സംഖ്യയായി എടുക്കേണ്ടത്. പൊട്ടാത്ത ഒരു കഷ്ണം ഗ്ലാസ് തെക്കു പടിഞ്ഞാറു ദിശയില്‍ സൂക്ഷിയ്ക്കുന്നത് ഐശ്വര്യം കൊണ്ടുവരും. 5, 14, 23 തീയതികളിലാണ് ജനനമെങ്കില്‍ 5 ആണ് ജന്മസംഖ്യ. കുബേരന്‍, ലക്ഷ്മീദേവി എന്നിവരുടെ ഒരുമിച്ചുള്ളതോ വെവ്വേറെയുള്ളതോ ആയ ചിത്രങ്ങള്‍ വീടിന്റെ വടക്കുദിശയില്‍ സൂക്ഷിയ്ക്കുന്നതു ഗുണം ചെയ്യും.

6, 15, 24 തീയതികളിലാണ് ജനനമെങ്കില്‍ 6 ആണ് സംഘ്യ. ഇവര്‍ക്ക് വീടിന്റെ തെക്കുകിഴക്കു ദിശയിലായി ഒരു മയില്‍പ്പീലി സൂക്ഷിയ്ക്കുന്നതു ഗുണം ചെയ്യും. 7, 16,. 25 തീയതികളിലാണ് ജനനമെങ്കില്‍ 7 ആണ് സംഖ്യയായി എടുക്കേണ്ടത്. ഇവര്‍ ഇരുണ്ട ബ്രൗണ്‍ നിറമുള്ള രുദ്രാക്ഷം തെക്കുകിഴക്കു ദിശയില്‍ സൂക്ഷിക്കണം. 8, 17, 26 തീയതികളാണ് ജനനമെങ്കില്‍ സംഖ്യ 8 ആണ്. ഇവര്‍ കറുത്ത ക്രിസ്റ്റല്‍ വീടിന്റെ തെക്കുദിശയില്‍ സൂക്ഷിക്കുന്നത് ഉത്തമമാണ്. 9, 18, 27 തീയതികളില്‍ ജനിച്ചവരുടെ സംഘ്യ 9 ആണ്. ഇവര്‍ ചെറിയ രണ്ടു പിരമിഡുകള്‍ തെക്കു ദിശയില്‍ സൂക്ഷിയ്ക്കുന്നതു ഗുണം ചെയ്യും.