കോയമ്പത്തൂരിൽ ദേശീയപാതയിലേക്കു രാഷ്ട്രീയ പാര്‍ട്ടിയുടെ കൊടിമരം വീണതിനെത്തുടർന്നു അപകടം ... വീണു കിടന്ന കൊടിമരം ഒഴിവാക്കി ഡ്രൈവ് ചെയ്യാൻ ശ്രമിച്ച ഇരുചക്രവാഹന യാത്രക്കാരിയായ യുവതി ട്രക്കിനടിയിൽപ്പെട്ടു ഗുരുതരാവസ്ഥയിൽ. ജോലിയുമായി ബന്ധപ്പെട്ട യാത്രയിലായിരുന്ന അനുരാധ രാജേശ്വരി (30)യാണ് അപകടത്തിൽപ്പെട്ടത്. സെപ്റ്റംബറിൽ ഫ്ലക്സ്ബോർഡ് വീണ് ഐടി ജീവനക്കാരി മരിച്ചതിനു പിന്നാലെയാണ് ഇപ്പോഴത്തെ അപകടം.

മുഖ്യമന്ത്രി പളനിസ്വാമിയെ സ്വാഗതം ചെയ്യുന്നതിനായി അവിനാശി ഹൈവേയിൽ എഐഎഡിഎംകെ സ്ഥാപിച്ച കൊടിമരങ്ങളിലൊന്നാണ് തിരക്കുള്ള ദേശീയ പാതയിൽ വീണത്. . ഇതു വഴി സ്കൂട്ടറിൽ വരികയായിരുന്ന അനുരാധ കൊടിമരങ്ങളിലൊന്ന് റോഡിലേക്കു വീഴുന്നതു കണ്ട് ഒഴിഞ്ഞുമാറാൻ ശ്രമിക്കുകയായിരുന്നു. പക്ഷെ അതുവഴി വന്ന ട്രക്ക് അപ്പോഴേക്കും സ്‌കൂട്ടറിൽ ഇടിക്കുകയായിരുന്നു.

ട്രക്കിന്റെ മുൻവശത്തെ വലത്തേ ചക്രം അനുരാധയുടെ ഇരുകാലുകളിലൂടെയും കയറിയിറങ്ങി. യുവതിയെ അടിയന്തര ശസ്ത്രക്രിയയ്ക്കു വിധേയയാക്കി. സ്കൂട്ടർ യാത്രികനായ മറ്റൊരാൾക്കും ഇതേ ട്രക്ക് ഇടിച്ചു പരുക്കേറ്റു. ട്രക്ക് ഡ്രൈവർ അമിത വേഗതയിലായിരുന്നുവെന്ന് പൊലീസ് പറഞ്ഞു. വേഗത്തിൽ എത്താൻ ഉടമ ആവശ്യപ്പെട്ടതിനാൽ വാഹനം വേഗത്തിലായിരുന്നുവെന്ന് ഡ്രൈവർ സമ്മതിച്ചിട്ടുണ്ടെന്ന് പൊലീസ് അറിയിച്ചു.

അതേസമയം കൊടിമരം വീണതല്ല അപകടകാരണമെന്ന നിലപാടിലാണു പൊലീസ്. അപകടത്തിന്റെ കുട്ടമത്രയും ട്രാക്ക് ഡ്രൈവറുടെ തലയിൽ ചുമത്തി വെക്കാനാണ് പോലീസ് ശ്രമിക്കുന്നത് എന്ന പരാതിയുണ്ട്. ...

റോഡിനോട് ചേർന്ന മണലിലാണ് കൊടിമരങ്ങൾ സ്ഥാപിച്ചിരുന്നത്. റോഡിലേക്കു മറിഞ്ഞ കൊടിമരം ദേശീയപാതയുടെ വലതുനിരയിലേക്ക് വീഴുമായിരുന്നില്ലെന്നും ട്രാക്ക് ഡ്രൈവർക്കെതിരെയാണ് നിലവിൽ കേസെടുത്തിട്ടുള്ളതെന്നും പൊലീസ് പറഞ്ഞു.ഇതിനെതിരെ അനുരാധയുടെ ബന്ധു കേസുമായി എത്തിയിട്ടുണ്ട് . കൊടിമരം റോഡിലേക്കു വീഴുന്നതു കണ്ട പരിഭ്രാന്തിയിൽ ദേശീയപാതയുടെ വലതു വശത്തെ മറ്റൊരു നിരയിലേക്ക് തിരിഞ്ഞപ്പോഴാണ് അനുരാധയെ ട്രാക്ക് ഇടിച്ചതെന്ന് അദ്ദേഹം പറഞ്ഞു.അതുകൊണ്ട് തന്നെ അപകടം ഉണ്ടാകാൻ സാധ്യത ഉള്ളവിധം കൊടി മരം സ്ഥാപിച്ചതിനെതിരെ നിയമ നടപടികൾ കൈക്കൊള്ളുമെന്ന് അദ്ദേഹം അറിയിച്ചു

ഇക്കഴിഞ്ഞ സെപ്റ്റംബറിൽ അണ്ണാ ഡിഎംകെ നേതാവ് സി.ജയഗോപാലിന്റെ മകന്റെ വിവാഹത്തിനു സ്ഥാപിച്ച ഫ്ലെക്സ് ബോർഡ് തലയിൽ വീണ് ഐടി ജീവനക്കാരി ശുഭശ്രീ രവി മരിച്ചിരുന്നു. സ്കൂട്ടറിൽ യാത്ര ചെയ്യുമ്പോഴാണ് അപകടം ഉണ്ടായത് .. ഇതെതുടർന്ന് റോഡുകളിൽ രാഷ്ട്രീയ കൊടിമരങ്ങൾ അനുവദിക്കില്ലെന്ന് മദ്രാസ് ഹൈക്കോടതി ഉത്തരവിട്ടിരുന്നു. ശുഭശ്രീ രവി മരിച്ച കേസിലും ട്രക്ക് ഡ്രൈവർക്കെതിരെയാണ് പോലീസ്ആദ്യം കേസെടുത്തത്. പിന്നീട് പൊതുജനങ്ങളുടെ പ്രതിഷേധത്തെ തുടർന്ന് എഐഎഡിഎംകെ നേതാവ് ജയഗോപാലിനെതിരെ കേസ് ഫയൽ ചെയ്യുകയായിരുന്നു.