കണ്ണൂര്‍ : റെയില്‍വേസ്റ്റേഷന്‌ സമീപം തീപിടിച്ച്‌ കടകള്‍ നശിച്ചു. ആറ്‌ കടകള്‍ പൂര്‍ണമായും അഞ്ച്‌ കടകള്‍ ഭാഗികമായും കത്തി. ഇന്ന്‌ പുലര്‍ച്ചെ നാലരയോടെയാണ്‌ അപകടമുണ്ടായത്‌. ആളപായമില്ല.

ഷോര്‍ട്ട്‌ സര്‍ക്യൂട്ടാണ്‌ അപകടകാരണമെന്നാണ്‌ പ്രാഥമിക നിഗമനം. പൊലീസും അഗ്നി ശമന സേനയും നാട്ടുകാരും ചേര്‍ന്ന്‌ രണ്ട്‌ മണിക്കൂറോളം ശ്രമിച്ചാണ്‌ തീയണച്ചത്‌. വെളളമില്ലാത്തതിനാല്‍ അഗ്നിശമന സേനയുടെ സേവനം ഏറെനേരം തടസപ്പെട്ടു.
ലക്ഷക്കണക്കിന്‌ രൂപയുടെ നാശനഷ്‌ടം ഉണ്ടായിട്ടുണ്ട്‌.