സംസ്ഥാനത്ത് ബുധനാഴ്ച വരെ ഉയര്ന്ന താപനില മുന്നറിയിപ്പ്.... ജാഗ്രതയുടെ ഭാഗമായി 11 ജില്ലകളില് യെല്ലോ അലര്ട്ട് പ്രഖ്യാപിച്ച് കേന്ദ്ര കാലാവസ്ഥ വകുപ്പ്
![](https://www.malayalivartha.com/assets/coverphotos/w657/308904_1713060443.jpg)
സംസ്ഥാനത്ത് ബുധനാഴ്ച വരെ ഉയര്ന്ന താപനില മുന്നറിയിപ്പ്.... ജാഗ്രതയുടെ ഭാഗമായി 11 ജില്ലകളില് യെല്ലോ അലര്ട്ട് പ്രഖ്യാപിച്ച് കേന്ദ്ര കാലാവസ്ഥ വകുപ്പ്.
പാലക്കാട് ജില്ലയില് ഉയര്ന്ന താപനില 39ഡിഗ്രി സെല്ഷ്യസ് വരെയും തൃശ്ശൂര് ജില്ലയില് 38ഡിഗ്രി സെല്ഷ്യസ് വരെയും കൊല്ലം, പത്തനംതിട്ട, കോഴിക്കോട്, കണ്ണൂര് ജില്ലകളില് 37ഡിഗ്രി സെല്ഷ്യസ് വരെയും ആലപ്പുഴ, കോട്ടയം, എറണാകുളം, മലപ്പുറം, കാസര്കോട് ജില്ലകളില് 36ഡിഗ്രി സെല്ഷ്യസ് വരെയും ഈ ദിവസങ്ങളില് രേഖപ്പെടുത്താന് സാധ്യതയെന്നും കേന്ദ്ര കാലാവസ്ഥ വകുപ്പ് .
സാധാരണയെക്കാള് 2 - 4 ഡിഗ്രി സെല്ഷ്യസ് വരെ ചൂട് കൂടാന് സാധ്യതയുള്ളതിനാല് ജാഗ്രത പാലിക്കണം. ഉയര്ന്ന താപനിലയും ഈര്പ്പമുള്ള വായുവും കാരണം ഈ ജില്ലകളില്, മലയോര മേഖലകളിലൊഴികെ ഈ ദിവസങ്ങളില് ചൂടും അസ്വസ്ഥതയുമുള്ള കാലാവസ്ഥയ്ക്കും സാധ്യതയുണ്ടെന്നും മുന്നറിയിപ്പുണ്ട്.
അതേസമയം വരുംദിവസങ്ങളിലും വേനല്മഴ ലഭിക്കുമെന്ന പ്രവചനം ആശ്വാസമാകുകയാണ്. തിരുവനന്തപുരം, കൊല്ലം, ആലപ്പുഴ, എറണാകുളം, ഇടുക്കി ജില്ലകളില് ഇന്ന് നേരിയ മഴയ്ക്ക് സാധ്യത.
"
https://www.facebook.com/Malayalivartha