രാമനവമി ദിനത്തില് അയോദ്ധ്യാ രാമക്ഷേത്രത്തില് രാംലല്ലയുടെ സൂര്യാഭിഷേകം...പ്രാണപ്രതിഷ്ഠയ്ക്ക് ശേഷം ആദ്യമായാണ് അയോദ്ധ്യാ രാമക്ഷേത്രത്തില് രാമനവമി ആഘോഷം നടക്കുന്നത്
രാമനവമി ദിനത്തില് അയോദ്ധ്യാ രാമക്ഷേത്രത്തില് രാംലല്ലയുടെ സൂര്യാഭിഷേകം നടക്കും. ഉച്ചയ്ക്ക് 12.16 നാണ് സൂര്യാഭിഷേകം നടക്കുക. അഞ്ച് മിനിട്ട് നേരം രാംലല്ലയുടെ നെറ്റിയില് സൂര്യരശ്മികള് പതിക്കുമെന്ന് രാമക്ഷേത്രത്തിന്റെ നിര്മ്മാണ സമിതി ചെയര്മാന് നൃപേന്ദ്ര മിശ്ര.
പ്രാണപ്രതിഷ്ഠയ്ക്ക് ശേഷം ആദ്യമായാണ് അയോദ്ധ്യാ രാമക്ഷേത്രത്തില് രാമനവമി ആഘോഷം നടക്കുന്നത്. സൂര്യാഭിഷേകത്തിനായി ആവശ്യമായ സാങ്കേതിക ക്രമീകരണങ്ങള് ഒരുങ്ങിക്കഴിഞ്ഞു.
ശാസ്ത്രകാരന്മാര് ഇത് ചിത്രീകരിക്കാനായി തയ്യാറെടുക്കുകയാണെന്നും നൃപേന്ദ്ര മിശ്ര പറഞ്ഞു. ഡിസംബറോടെ ക്ഷേത്രത്തിന്റെ ശേഷിക്കുന്ന ജോലികളും പൂര്ത്തിയാകുമെന്നും അദ്ദേഹം പറഞ്ഞു. രാമനവമി ദിനത്തില് ഭക്തരുടെ സൗകര്യാര്ത്ഥം രാത്രി 11 വരെ ദര്ശനം ലഭ്യമാകും. രാമനവമി ദിനത്തില് രാവിലെ 3.30ന് ക്ഷേത്ര ചടങ്ങുകള് ആരംഭിക്കും. തുടര്ന്ന് അഭിഷേകവും 5 മണിക്ക് ശൃംഗാര് ആരതിയും നടക്കും.
രാംലല്ലയുടെ ദര്ശനവും മറ്റ് ആരാധനാ ചടങ്ങുകളും പതിവുപോലെ നടക്കും. ഭഗവാന് നേദ്യം അര്പ്പിക്കുന്ന സമയത്ത് ഭക്തര്ക്ക് ദര്ശനം നടത്താനാകില്ല. ദര്ശനം രാത്രി 11 വരെ തുടരും. ശേഷം ശയന ആരതി നടക്കും. രാമനവമി നാളില് ശയന ആരതിക്ക് ശേഷം ക്ഷേത്ര സന്നിധിയില് പ്രസാദം ലഭ്യമാകും.
https://www.facebook.com/Malayalivartha