മട്ടന്നൂരില് വാഹനാപകടത്തില് ഒരു മരണം... ഏഴു പേര്ക്ക് പരുക്ക്, കാറും പിക്കപ്പ് ജീപ്പും കൂട്ടിയിടിച്ചാണ് അപകടമുണ്ടായത്
മട്ടന്നൂരില് വാഹനാപകടത്തില് ഒരു മരണം... ഏഴു പേര്ക്ക് പരുക്ക്, കാറും പിക്കപ്പ് ജീപ്പും കൂട്ടിയിടിച്ചാണ് അപകടമുണ്ടായത്. മട്ടന്നൂര് ചാവശേരി 19ാം മൈലിലാണ് അപകടം നടന്നത്.
ചേര്ത്തല സ്വദേശി കുമാരി (63) ആണ് മരിച്ചത്. കുട്ടികള് അടക്കം ഏഴ് പേര്ക്ക് പരിക്കേറ്റു. ഇവരെ കണ്ണൂരിലെ സ്വകാര്യ ആശുപത്രിയില് പ്രവേശിപ്പിച്ചു. ഇന്ന് പുലര്ച്ചെയാണ് അപകടം നടന്നത്.
മരിച്ചയാളുടെ മൃതദേഹം ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. പോസ്റ്റ്മോര്ട്ടത്തിന് ശേഷം മൃതദേഹം ബന്ധുക്കള്ക്ക് വിട്ടുകൊടുക്കും. മലപ്പുറം പൊന്നാനി കര്മ്മയില് റോഡ് സൈഡില് നിര്ത്തിയ കാര് പുഴയിലേക്ക് മറിഞ്ഞും ഇന്ന് അപകടം സംഭവിച്ചു.
കാറിലുണ്ടായിരുന്ന കുടുംബം പരിക്കുകളില്ലാതെ രക്ഷപ്പെടുകയും ചെയ്തു. ഇന്നലെ രാത്രി 8 മണിയോടെയാണ് അപകടമുണ്ടായത്. നിര്ത്തിയിട്ടിരുന്ന കാര് നിയന്ത്രണം വിട്ട് സമീപത്തെ പുഴയിലേക്ക് വീഴുകയായിരുന്നു.
കുട്ടികള് ഉള്പ്പടെയുള്ളവരാണ് കാറിലുണ്ടായിരുന്നത്. നാട്ടുകാരും, സന്നദ്ധ പ്രവര്ത്തകരും ചേര്ന്ന് കുടുംബത്തെ രക്ഷപ്പെടുത്തുകയായിരുന്നു. ക്രെയിന് എത്തിച്ച് പുഴയില് നിന്ന് കാര് പുറത്തെടുക്കുകയും ചെയ്തു.
https://www.facebook.com/Malayalivartha