വിവിധ ജില്ലകളില് ഉയര്ന്ന താപനില മുന്നറിയിപ്പ്... നാല് ഡിഗ്രി സെല്ഷ്യസ് വരെ വര്ദ്ധനവുണ്ടാകുമെന്ന് കേന്ദ്ര കാലാവസ്ഥാവകുപ്പ്...
വിവിധ ജില്ലകളില് ഉയര്ന്ന താപനില മുന്നറിയിപ്പ്... നാല് ഡിഗ്രി സെല്ഷ്യസ് വരെ വര്ദ്ധനവുണ്ടാകുമെന്ന് കേന്ദ്ര കാലാവസ്ഥാവകുപ്പ്...
പാലക്കാട് ജില്ലയില് ഉയര്ന്ന താപനില 39ഡിഗ്രി സെല്ഷ്യസ് വരെയും തൃശൂര്, കോഴിക്കോട്, കണ്ണൂര് ജില്ലകളില് 38ഡിഗ്രി സെല്ഷ്യസ് വരെയും കൊല്ലം,ആലപ്പുഴ, പത്തനംതിട്ട, കോട്ടയം, എറണാകുളം, കാസര്കോട് ജില്ലകളില് 37ഡിഗ്രി സെല്ഷ്യസ് വരെയും മലപ്പുറം ജില്ലയില് 36ഡിഗ്രി സെല്ഷ്യസ് വരെയും (സാധാരണയെക്കാള് 2 - 4 ഡിഗ്രി സെല്ഷ്യസ് കൂടുതല്) രേഖപ്പെടുത്താന് സാധ്യതയെന്നും കേന്ദ്ര കാലാവസ്ഥ വകുപ്പ് .
ഉയര്ന്ന താപനിലയും ഈര്പ്പമുള്ള വായുവും കാരണം ഈ ജില്ലകളില്, മലയോര മേഖലകളിലൊഴികെ ചൂടും അസ്വസ്ഥതയുമുള്ള കാലാവസ്ഥയ്ക്കും സാധ്യതയുണ്ട്.
അതേസമയം സംസ്ഥാനത്ത് ഞായറാഴ്ച വരെ ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്ക് സാധ്യത. മണിക്കൂറില് 40 കിലോമീറ്റര് വേഗത്തില് വീശിയേക്കാവുന്ന ശക്തമായ കാറ്റിനും സാധ്യതയുള്ളതിനാല് ജാഗ്രത പാലിക്കണമെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി. അതിനിടെ വെള്ളിയാഴ്ച മൂന്ന് ജില്ലകളില് ഒറ്റപ്പെട്ടയിടങ്ങളില് ശക്തമായ മഴയ്ക്കും സാധ്യത.
കോഴിക്കോട്, വയനാട്, കണ്ണൂര് ജില്ലകളില് കാലാവസ്ഥ വകുപ്പ് യെല്ലോ അലര്ട്ട് പ്രഖ്യാപിച്ചു.കള്ളക്കടല് പ്രതിഭാസത്തിന്റെ ഭാഗമായി കേരള തീരത്തും തെക്കന് തമിഴ്നാട് തീരത്തും തീരപ്രദേശത്തിന്റെ താഴ്ന്ന പ്രദേശങ്ങളിലും ഉയര്ന്ന തിരമാലകള് കാരണം കടലാക്രമണത്തിന് സാധ്യത.
"
https://www.facebook.com/Malayalivartha