ജനം വിധിയെഴുതാൻ ഇനി വിരലിൽ എണ്ണാവുന്ന ദിവസങ്ങൾ മാത്രമാണ് ശേഷിക്കുന്നത്. ഈ ഒരു അവസരത്തിൽ ഇതിനോടകം പല മാധ്യമങ്ങളും തങ്ങളുടെ സർവേ നടത്തുകയും അതിന്റെ ഫലം പുറത്തു വിടുകയും ചെയ്തു. അതില്ലെല്ലാം തന്നെ എൽ ഡി എഫിന് വൻ പരാജയമാണ് പറഞ്ഞിരിക്കുന്നത് . അതുകൊണ്ട് അത് എൽ ഡി എഫ് പാളയത്തിൽ കനത്ത തിരിച്ചടി കൊടുക്കുമെന്ന് തന്നെയാണ് ഫലങ്ങളിൽ നിന്നും വ്യക്തമാകുന്നത്. ഇപ്പോഴിതാ മുഖ്യ മന്ത്രി പിണറായി വിജയനും അതിശക്തമായി പ്രതികരിച്ചിരിക്കുകയാണ്. ലോക്സഭ തിരഞ്ഞെടുപ്പുമായി ബന്ധപ്പെട്ട് പുറത്തുവരുന്ന സര്‍വേകള്‍ക്കെതിരെ രൂക്ഷ വിമർശനവുമായി മുഖ്യമന്ത്രി പിണറായി വിജയന്‍. പെയ്ഡ് സര്‍വേകളാണോ പുറത്തുവിടുന്നതെന്ന് നാട്ടുകാര്‍ക്ക് സംശയമുണ്ടെന്ന് അദ്ദേഹം പറഞ്ഞു.

ജനങ്ങളെ തെറ്റിദ്ധരിപ്പിക്കുകയെന്ന ഉദ്ദേശ്യത്തോടെയാണ് സർവേ ഫലം പുറത്തുവിടുന്നത്. പ്രത്യേക രീതിയിലാണ് സര്‍വേ വരുന്നതെന്നും ഇതിനെ പെയ്ഡ് ന്യൂസെന്ന് പറയാമെന്നും മുഖ്യമന്ത്രി മലപ്പുറത്തു നടത്തിയ വാര്‍ത്താസമ്മേളനത്തില്‍ പറഞ്ഞു. കെ.കെ. ശൈലജയ്‌ക്കെതിരായ സൈബർ ആക്രമണം ശുദ്ധ തെമ്മാടിത്തമാണെന്നും അദ്ദേഹം വിമർശിച്ചു.‘‘വടകരയിൽ കെ.കെ. ശൈലയ്‌ക്കെതിരെ നടക്കുന്ന സൈബർ ആക്രമണമെല്ലാം ശുദ്ധ തെമ്മാടിത്തമല്ലേ? ഇത്തരം തെമ്മാടിത്തങ്ങൾ രാഷ്ട്രീയത്തിൽ അനുവദിക്കാൻ പാടുള്ളതാണോ? ഇതിനെതിരെ അതതു പാർട്ടികളുടെ നേതൃത്വം തന്നെ രംഗത്തുവരേണ്ടതല്ലേ? എങ്ങനെയാണ് ഇത്രയും ഹീനമായ രീതിയിൽ ഒരു രാഷ്ട്രീയ നേതാവിനെതിരെ പ്രചാരണം നടത്താൻ കഴിയുന്നത്?

നമ്മുടെ പൊതുവായ സാംസ്കാരിക രീതിയെ അല്ലേ അതു വെല്ലുവിളിക്കുന്നത്. അത്തരം ആളുകളെയും അവരുടെ ചെയ്തികളെയും ആ ശൈലിയെയും തള്ളിപ്പറയാൻ എന്താണ് കോൺഗ്രസ് നേതൃത്വത്തിനു മടി?’’ – മുഖ്യമന്ത്രി ചോദിച്ചു.ഏതായാലും തിരഞ്ഞെടുപ്പ് ഫലം ഈ സർക്കാരിന് കനത്ത തിരിച്ചറിയാകും നൽകുക എന്നുള്ളതിൽ സംശയമില്ല എന്നാണ് ഈ സർവേ ഫലങ്ങൾ സൂചിപ്പിക്കുന്നത്.