കോഴിക്കോട് അന്താരാഷ്ട്ര വിമാനത്താവളത്തില്നിന്ന് ദുബായിലേക്ക് പുറപ്പെട്ട വിമാനം ഇറങ്ങാന് കഴിയാതെ കരിപ്പൂരിലേക്ക് തിരിച്ചെത്തി....
കോഴിക്കോട് അന്താരാഷ്ട്ര വിമാനത്താവളത്തില്നിന്ന് ദുബായിലേക്ക് പുറപ്പെട്ട വിമാനം ഇറങ്ങാന് കഴിയാതെ കരിപ്പൂരിലേക്ക് തിരിച്ചെത്തി....എയര് ഇന്ത്യ എക്സ്പ്രസ് വിമാനമാണ് കരിപ്പൂരില് തിരിച്ചെത്തിയത്.
ദുബായില് കഴിഞ്ഞദിവസങ്ങളിലുണ്ടായ കനത്ത മഴയെത്തുടര്ന്ന് വിമാനത്താവളത്തില് വെള്ളം കയറിയതാണ് പ്രശ്നമായത്. കരിപ്പൂരില് നിന്ന് വ്യാഴാഴ്ച രാത്രി എട്ടിനാണ് വിമാനം പുറപ്പെട്ടത്.
ദുബായില് ഇറക്കുക അസാധ്യമായതിനാല് മസ്കറ്റ് വിമാനത്താവളത്തിലേക്ക് തിരിച്ചുവിട്ടു. അവിടെനിന്ന് ഇന്ധനം നിറച്ച് തിരിച്ചുപറത്തിയ വിമാനം ഇന്നലെ പുലര്ച്ചെ 4.45-ന് കരിപ്പൂരിലെത്തി. 180 യാത്രക്കാരാണ് വിമാനത്തില് ഉണ്ടായിരുന്നത്. ഇവര് പിന്നീട് വീടുകളിലേക്കുതന്നെ മടങ്ങി.
യാത്രക്കാരെ റാസല്ഖൈമയിലെത്തിക്കാനായി സൗകര്യമൊരുക്കുമെന്ന് എയര് ഇന്ത്യ അധികൃതര് അറിയിച്ചെങ്കിലും ഇപ്പോഴും യാത്ര അനിശ്ചിതത്വത്തിലാണ്. ടിക്കറ്റ് റീഫണ്ട് നല്കാന് തയ്യാറാണെന്നും അധികൃതര് . എന്നാല് അത്യാവശ്യമായി യു.എ.ഇ.യില് എത്തേണ്ടവര് പ്രതിസന്ധിയിലായിരിക്കുകയാണ്..
കനത്ത മഴയെത്തുടര്ന്ന് റണ്വേയില് വെള്ളംകയറി ദുബായ് വിമാനത്താവളത്തില് കഴിഞ്ഞ രണ്ടു ദിവസത്തിനിടെ 1244 വിമാനങ്ങള് റദ്ദാക്കിയിട്ടുണ്ട്. 41 വിമാന സര്വീസുകള് വഴിതിരിച്ചുവിടുകയും ചെയ്തു.
https://www.facebook.com/Malayalivartha