ഔദ്യോഗിക ഉത്തരവാദിത്തം ഏറ്റെടുക്കാന് തയ്യാറാണെന്നറിയിച്ച് സര്ക്കാരിന് സെന്കുമാറിന്റെ കത്ത്
താന് ഏത് ഔദ്യോഗിക ഉത്തരവാദിത്തവും ഏറ്റെടുക്കാന് തയാറാണെന്നറിയിച്ചു മുന് ഡിജിപി. ടി.പി.സെന്കുമാര് സര്ക്കാരിനു കത്ത് നല്കി. സര്വീസില് നിന്നു വിരമിച്ചുകഴിഞ്ഞാല്, പുതിയ സര്ക്കാര്പദവികളില് ജോലി ചെയ്യണമെങ്കില് ഇത്തരത്തില് സമ്മതപത്രം നല്കണമെന്ന വ്യവസ്ഥ പാലിച്ചാണ് ഇത്.
ഭരണ പരിഷ്കാര പ്രിന്സിപ്പല് സെക്രട്ടറിക്കു നല്കിയ കത്ത്, അദ്ദേഹം ചീഫ് സെക്രട്ടറിക്കു കൈമാറി. കേരള അഡ്മിനിസ്ട്രേറ്റീവ് െ്രെടബ്യൂണല് അംഗമായി സെന്കുമാറിനെ നിയമിക്കാനുള്ള ഹൈക്കോടതി ചീഫ് ജസ്റ്റിസ് അധ്യക്ഷനായ മൂന്നംഗ സമിതിയുടെ ശുപാര്ശ, വിയോജിപ്പും എതിര് പരാമര്ശങ്ങള് ഉള്പ്പെടുത്തിയും ആണെങ്കിലും സര്ക്കാര് കേന്ദ്രത്തിലേക്ക് അയച്ചിട്ടുണ്ട്. ഈ പട്ടിക റദ്ദാക്കണമെന്നും പുതിയതായി തിരഞ്ഞെടുപ്പ് നടത്താന് അനുവദിക്കണമെന്നും ഒപ്പം കേരളം ആവശ്യപ്പെട്ടിട്ടുണ്ട്.
എന്നാല്, ഇക്കാര്യത്തില് അന്തിമ തീരുമാനം എടുക്കേണ്ടതു കേന്ദ്രസര്ക്കാരാണ്. സെന്കുമാറിനെ നിയമിച്ചുള്ള ഉത്തരവ് ഉണ്ടായാല് ഇത്തരത്തില് സമ്മതപത്രം ആവശ്യമാണെന്നതിനാലാണ് അദ്ദേഹം കത്ത് നല്കിയത്. പുതിയ ഉത്തരവാദിത്തം ഒന്നും തല്ക്കാലം ഏറ്റെടുക്കുന്നില്ലെന്നാണു സംസ്ഥാന പൊലീസ് മേധാവി പദവിയില് നിന്നു വിരമിച്ച അവസരത്തില് സെന്കുമാര് മാധ്യമപ്രവര്ത്തകരോടു പറഞ്ഞത്.
https://www.facebook.com/Malayalivartha
