ചെറുപ്പത്തില്‍ പ്രമുഖ മാസികയില്‍ പുരുഷന്റെ അടിവസ്ത്രങ്ങളുടെ പരസ്യങ്ങള്‍ കണ്ടപ്പോാണ് എനിക്ക് സ്വവര്‍ഗ്ഗ രതി താത്പര്യം ഉണ്ടാകുന്നത്. സ്‌കൂള്‍ പഠന സമയത്ത് കുട്ടികള്‍ അശ്ലീലം പറഞ്ഞിരുന്നു. പക്ഷെ എനിക്ക് പെണ്‍കുട്ടികളോട് താത്പര്യം തോന്നിയില്ല അടുത്തുള്ള ചേട്ടന്മാരുടെ ഷര്‍ട്ടിടാത്ത ശരീരം കാണുമ്പോള്‍ എനിക്ക് എന്തൊക്കെയോ തോന്നുമായിരുന്നു... ജിജോ കുര്യാക്കോസ് എന്ന ഗേയായ ക്യൂറ പ്രവര്‍ത്തകന്റെ വെളിപ്പെടുത്തലാണിത്. വിമതലൈംഗികത എന്ന പുസ്തകത്തിലാണ് ഈ വെളിപ്പെടുത്തലുകള്‍ ഉള്ളത്. 

സമൂഹത്തില്‍ നിന്നും എന്നും മാറ്റി നിര്‍ത്തപ്പെട്ട ഒരു വിഭാഗത്തെക്കുറിച്ചുള്ള വിപ്ലവകരമായ പഠനമാണ് ഈ പുസ്തകത്തിലൂടെ പുറത്തുവരുന്നത്. ഇതിനോടകം തന്നെ ഈ പഠനം ചര്‍ച്ചകളില്‍ നിറയുകയാണ്. ചിന്തയാണ് പുസ്തകം പുറത്തിറക്കിയിരിക്കുന്നത്.