സംസ്ഥാന വനിതാ കമ്മിഷന് മനുഷ്യ വിസർജ്യം പാഴ്സലായി ലഭിച്ചുവെന്ന കമ്മിഷൻ അധ്യക്ഷ എം.സി.ജോസഫൈന്റെ പ്രസ്താവനയോട് പ്രതികരിച്ച്ക്കൊണ്ട് പി.സി.ജോർജ്. ചീമുട്ടയെ ചീമുട്ടകൊണ്ട് നേരിടാറില്ലെന്ന് അദ്ദേഹം പറഞ്ഞു.

തനിക്കെതിരെ വനിതാ കമ്മിഷൻ ഇതുവരെ കേസെടുത്തിട്ടില്ലെന്നും അതിനുള്ള അധികാരവും അവർക്കില്ലെന്നും അദ്ദേഹം പറയുന്നു. രണ്ട് മാസമായി അവർ എന്നെ എടുത്ത് അകത്തിടും എന്ന രീതിയിൽ പ്രസ്താവന ചാനലുകൾ വഴി നടത്തുന്നു. അവർക്കെന്തെങ്കിലും അസുഖമുണ്ടോയെന്ന് പരിശോധിക്കേണ്ടിയിരിക്കുന്നു.

വനിതാ കമ്മിഷന്റെ അധികാരമെന്താണെന്ന് പഠിച്ചശേഷം മാത്രം പ്രതികരിക്കാൻ ഉത്തരവാദപ്പെട്ടവർ തയാറാകണം. വായിച്ചു പഠിക്കാൻ സമയമില്ലെങ്കിൽ ഞാൻ പറഞ്ഞുതരാം – പി.സി.ജോർജ് പറഞ്ഞു. വനിതാ കമ്മിഷൻ ഇടപെടേണ്ട പ്രശ്നങ്ങൾ ഒരുപാടുണ്ട്. അയ്യായിരത്തോളം നഴ്സുമാരുടെ സമരം കണ്ടില്ലെന്ന് നടിക്കുകയാണ് കമ്മിഷൻ.

മാധ്യമ ശ്രദ്ധ നേടാൻ പി.സി.ജോർജിനെതിരെ പറഞ്ഞാൽ മതിയെന്ന തെറ്റിദ്ധാരണയാണ് വനിതാ കമ്മിഷനുള്ളത്.