യുവനടി ആക്രമിക്കപ്പെട്ട കേസുമായി ബന്ധപ്പെട്ട് നടനും സംവിധായകനുമായ നാദിർഷയെ ചോദ്യം ചെയ്യുന്നത് പൂർത്തിയായി. ആലുവ പോലീസ് ക്ലബിലെത്തിയ നാദിർഷയെ നാലര മണിക്കൂറാണ് പോലീസ് ചോദ്യം ചെയ്തത്. ഹൈക്കോടതിയുടെ നിർദേശത്തെ തുർന്നായിരുന്നു നാദിർഷ ചോദ്യം ചെയ്യലിനായി അന്വേഷണസംഘം മുന്പാകെ ഹാജരായത്.

വെള്ളിയാഴ്ച നാദിർഷ ചോദ്യം ചെയ്യലിനായി ആലുവ പോലീസ് ക്ലബിൽ എത്തിയിരുന്നു. എന്നാൽ നാദിർഷയ്ക്കു ദേഹാസ്വാസ്ഥ്യം അനുഭവപ്പെട്ടതിനെ തുടർന്നു അന്വേഷണസംഘം ചോദ്യം ചെയ്യൽ ഉപേക്ഷിച്ചിരുന്നു. നേരത്തെ, നാദിർഷ ഹൈക്കോടതിയിൽ മുൻകൂർ ജാമ്യപേക്ഷ സമർപ്പിച്ചിരുന്നു. ഇതു പരിഗണിക്കുന്ന വേളയിലാണു ചോദ്യംചെയ്യലിനു ഹാജരാകാൻ കോടതി നിർദേശിച്ചത്.