സംസ്ഥാനത്തെ വിദ്യാഭ്യാസ സ്ഥാപനങ്ങള്ക്ക് നാളെ അവധി
സംസ്ഥാനത്ത് കനത്ത മഴ തുടരുന്ന സാഹചര്യത്തില് പ്രൊഫഷണല് കോളേജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും നാളെ അവധി നല്കാന് ദുരന്ത നിവാരണ അതോറിറ്റിയുടെ നിര്ദ്ദേശം. അതേസമയം എറണാകുളം, ഇടുക്കി, കോട്ടയം, പത്തനംതിട്ട, കൊല്ലം, പാലക്കാട്, മലപ്പുറം, കോഴിക്കോട് എന്നീ 9 ജില്ലകളിലെ വിദ്യാഭ്യാസ സ്ഥാപനങ്ങള്ക്ക് അതത് കളക്ടര്മാര് നേരത്തെ അവധി പ്രഖ്യാപിച്ചിട്ടുണ്ട്.
എംജി, കേരള സര്വകലാശാലകള് നാളെ നടത്താനിരുന്ന പരീക്ഷകളും മാറ്റിവെച്ചിട്ടുണ്ട്. മഴക്കെടുതിയെ തുടര്ന്ന് ജനങ്ങള്ക്കും ഉദ്യോഗസ്ഥര്ക്കും മുഖ്യമന്ത്രി ജാഗ്രതാ നിര്ദേശം നല്കിയിട്ടുണ്ട്. ആറ് താലൂക്കുകളിലെ തഹസില്ദാര്മാര് രാത്രി കണ്ട്രോള് റൂമില് ഉണ്ടാകണമെന്നു നിര്ദേശം നല്കിയിട്ടുണ്ട്.
കോഴിക്കോട്, പാലക്കാട്, ഇടുക്കി, കോട്ടയം, കുട്ടനാട് താലൂക്കുകളിലെ തഹസില്ദാര്മാര്ക്കാണ് നിര്ദേശം. കലക്ടര്മാരെ ഏകോപിപ്പിക്കാന് റവന്യൂ അഡീ.ചീഫ് സെക്രട്ടറിക്ക് ചുമതല നല്കി. പ്രശ്നങ്ങള് റവന്യൂ അധികൃതരുടെ ശ്രദ്ധയില്പ്പെടുത്തണമെന്ന് റവന്യൂമന്ത്രി ഇ. ചന്ദ്രശേഖരന് അറിയിച്ചു.
https://www.facebook.com/Malayalivartha
