മൂന്നാറിലെ അനധികൃത നിര്‍മാണങ്ങള്‍ക്കും കൈയേറ്റങ്ങള്‍ക്കുമെതിരേയുള്ള നടപടി സ്വീകരിച്ച തഹസില്‍ദാര്‍ക്ക് സ്ഥലം മാറ്റം. റവന്യൂവകുപ്പ് ഉദ്യോഗസ്ഥരുടെ നടപടിയുടെ പേരില്‍ മൂന്നാര്‍ ദേവികുളം മേഖലയില്‍ സിപിഐഎം സിപിഐ തര്‍ക്കം തുടരുന്നതിനിടെയാണ് മൂന്നാര്‍ സ്‌പെഷ്യല്‍ തഹസില്‍ദാറിന് സ്ഥലം മാറ്റം. മൂന്നാര്‍ സ്‌പെഷ്യല്‍ തഹസില്‍ദാര്‍ എജെ തോമസിനെയാണ് സ്ഥലംമാറ്റിയത്.

നെടുങ്കണ്ടം ലാന്‍ഡ് അസൈന്‍മെന്റ് ഓഫീസിലേക്കാണ് സ്ഥലംമാറ്റിയിരിക്കുന്നത്. മൂന്നാറിലെ അനധികൃത നിര്‍മാണങ്ങളുടെ പേരില്‍ വന്‍കിട റിസോര്‍ട്ടുകള്‍ക്ക് എജെ തോമസ് നോട്ടീസ് നല്‍കിയിരുന്നു. ഇതിന് പിന്നാലെയാണ് തോമസിനെ സ്ഥലംമാറ്റിക്കൊണ്ടുള്ള ഉത്തരവ് വന്നത്. എജെ തോമസിന്റെ നടപടികള്‍ക്കെതിരെ മൂന്നാര്‍ സംരക്ഷണ സമിതിയും സിപിഐഎമ്മും പ്രതിഷേധിച്ചിരുന്നു.