പോഷകാഹാര കുറവുമൂലം രാജ്യത്ത് ശിശുമരണ നിരക്ക് വര്‍ധിക്കുന്നെന്ന് മുഖ്യമന്ത്രി പിണറായി വിജയന്‍. പോഷകാഹാരക്കുറവ് ശക്തമായ ബാലാവകാശ ലംഘനമാണെന്നും അദ്ദേഹം പറഞ്ഞു. തലസ്ഥാനത്ത് നടന്ന അന്തര്‍ദേശീയ ശിശുദിനം ഉദ്ഘാടനം ചെയ്ത് സംസാരിക്കവെയായിരുന്നു അദ്ദേഹം ഇക്കാര്യങ്ങൾ വ്യക്തമാക്കിയത്. ഒന്‍പതര കോടി കുരുന്നുകളാണ് രാജ്യത്ത് മരണത്തിന് കീഴടങ്ങുന്നത്. ഇതില്‍ ആറരകോടിയും പോഷക ഹാര കുറവ് മൂലം മരണപ്പെടുന്നു എന്നതാണ് കണക്ക്.

ഇതിലൂടെ ശക്തമായ ബലവകാശ ലംഘനമാണ് നടക്കുന്നതെന്ന് മുഖ്യമന്ത്രി പറഞ്ഞു. കുട്ടികളുടെ അവകാശങ്ങള്‍ സംരക്ഷിക്കപ്പെടുന്നതോടെ രാജ്യത്തിന്റെ ഭാവിയുടെ സുരക്ഷിതത്വം ഉറപ്പാക്കാനും കഴിയും.

കുരുന്നുകളെ സ്‌നേഹത്തോടെ പരിചരിക്കുന്നതിലൂടെ അവരുടെ വ്യക്തിത്വ രൂപീകരണം സാധ്യമാക്കന്‍ കഴിയുമെന്നും മുഖ്യമന്ത്രി പറഞ്ഞു. ചടങ്ങില്‍ യുഎന്‍ കണ്‍വന്‍ഷന്‍ കുട്ടികളുടെ അവകാശ സംരക്ഷണം പ്രഖ്യാപിച്ചതിന്റെ ശതാബ്ദി ആഘോഷങ്ങളുടെ ഭാഗമായി പുറത്തിറക്കിയ പോസ്റ്റല്‍ കവറിന്റെ പ്രകാശനവും മുഖ്യമന്ത്രി നിര്‍വ്വഹിച്ചു