പറഞ്ഞതിലും കൂടുതല് തുക കൊടുത്ത് പള്സര് സുനിയെ സെറ്റിലാക്കാനുള്ള നീക്കം നടക്കുന്നുണ്ടെന്ന് അന്വേഷണ സംഘം
ദിലീപ് ദേ പുട്ട് തുറക്കാന് ദുബയിലേക്ക് പറക്കുന്നത് നടിയെ ആക്രമിച്ച കേസ് ഒത്തുതീര്പ്പാക്കാനെന്ന് ആക്ഷേപം. സിനിമയിലുള്ളവര് തന്നെ ഇക്കാര്യം ആരോപിക്കുന്നു. സാക്ഷികളെയും കേസുമായി ബന്ധമുള്ള മറ്റ് ചിലരെയും സ്വാധീനിക്കാനുള്ള നീക്കത്തിന്റെ ഭാഗമായാണ് ഈ യാത്രയെന്ന് അന്വേഷണ സംഘത്തിനും സംശയമുണ്ട്. കേസിലെ പ്രധാനപ്രതി പള്സര് സുനിക്ക് ഉള്പ്പെടെ പറഞ്ഞതിലും കൂടുതല് തുക വിദേശത്ത് ഇടനിലക്കാര് വഴി കൈമാറാനുള്ള നീക്കം നടക്കുന്നുണ്ടെന്ന് പൊലീസിന് സംശയമുണ്ട്. അതിനാലാണ് ജാമ്യവ്യവസ്ഥയില് ഇളവ് നല്കരുതെന്നും ജാമ്യം റദ്ദാക്കണമെന്നും അവര് കോടതിയില് ആവശ്യപ്പെട്ടത്. എന്നാല് നാല് ദിവസത്തെ യാത്രയ്ക്ക് അനുമതി കിട്ടി.
കേരളത്തിലെ സകല മാഫിയകളുടെയും ബിസിനസുകാരുടെയും വിദേശത്തെ പ്രധാന താവളമാണ് ദുബയ്. സ്വര്ണക്കടത്ത് കേസിലെ പ്രതി ഫയാസ് ഉള്പ്പെടെയുള്ളവര് ദിലീപിന്റെ ചില സിനിമകളില് മുഖം കാണിച്ചിട്ടുണ്ട്. അവരുടെ ആഢംബര വാഹനങ്ങള് ശൃംഗാരവേലന് പോലുള്ള സിനിമകളില് ഉപയോഗിച്ചിട്ടുമുണ്ട്. ആ നിലയ്ക്ക് പുതിയ നീക്കത്തിന് തടയിടാന് പൊലീസിന് ആയില്ല. തയ്യാറാക്കിയ കുറ്റപത്രത്തില് ദിലീപിനെ കുരുക്കാനുള്ള വേണ്ടത്ര തെളിവുകള് ഇല്ലെന്നും അറിയുന്നു. അതിനാല് പള്സര് സുനിയുടെ മൊഴി മാറ്റിയാല് ദിലീപിന് പുട്ട്പോലെ ഊരിപ്പോകാം. കേസിലെ മാപ്പ് സാക്ഷിയായിരുന്ന ചാര്ലി കഴിഞ്ഞ ദിവസം മൊഴിമാറ്റിയിരുന്നു. സാക്ഷികളെ സ്വാധിനിക്കാന് ദിലീപ് പലവഴിയിലും ശ്രമം നടത്തുന്നുണ്ടെന്ന് അന്വേഷണ സംഘം ആരോപിച്ചിരുന്നു.
വിദേശത്ത് ഇടപാട് നടത്തി സാക്ഷികളെയും മറ്റും സ്വാധീനിക്കാനായാല് അതിന് മതിയായ തെളിവ് കണ്ടെത്താന് അന്വേഷസംഘം ഏറെ പ്രയാസപ്പെടേണ്ടിവരും. ചിലപ്പോള് തെളിയിക്കാന് പറ്റാതെയുമാകും. വര്ഷങ്ങളായി ദിലീപും കാവ്യാമാധവനും ദുബയില് ബിസിനസ് നടത്തുന്നുണ്ട്. അവിടെയുള്ള പല ഉന്നതരുമായും ഇവര്ക്ക് അടുത്തബന്ധമാണുള്ളത്. കേസില് മൊഴിനല്കിയിട്ടുള്ള സിനിമാക്കാര് ധാരാളമുണ്ട്. അവരുമായി പല വിധത്തിലും ആശയവിനിമയം നടത്താന് മുമ്പും ശ്രമം നടത്തിയിരുന്നു. പള്സര് സുനിയുമായി അടുത്ത ബന്ധം ഉള്ളവരുമായി ദുബയില് വെച്ച് ഒത്തുതാര്പ്പാക്കാനുള്ള സാധ്യത അന്വേഷണ സംഘം ഇപ്പോഴും തള്ളിക്കളയുന്നില്ല. പള്സറിനെ സന്ദര്ശിക്കുന്നവരെല്ലാം പൊലീസിന്റെ നിരീക്ഷണത്തിലാണ്.
https://www.facebook.com/Malayalivartha
