ജോലി വാഗ്ദാനംചെയ്ത് ഒരുകോടിയിലധികം തട്ടിയെടുത്ത കേസില്‍ മുന്‍ വൈദികനുള്‍പ്പെടെ അഞ്ച് പേര്‍ അറസ്റ്റിലായി. മുന്‍ വൈദികന്‍ പറമ്ബില്‍ നോബി പോള്‍(41), അഷ്‌റഫ്(42), ബിജു കുര്യാക്കോസ്(44), ബിനു പോള്‍ (36), അരുണ്‍ സോമന്‍(34) എന്നിവരാണ് പിടിയിലായത്.

ഇടുക്കി, കോട്ടയം, പാലക്കാട്, വയനാട്, കണ്ണൂര്‍, തൃശൂര്‍ ജില്ലകളില്‍നിന്നായി 119 പേരില്‍ നിന്നായി ഒരു കോടിയിലധികമാണ് ഇവര്‍ തട്ടിച്ചെടുത്തത്. പലരില്‍നിന്നായി 50,000 മുതല്‍ അഞ്ച് ലക്ഷം രൂപവരെയാണ് ഇവര്‍ തട്ടിയത്.

അടിമാലിയില്‍ ലൈബ്രറി റോഡില്‍ അക്‌സല്‍ അലയന്‍സ് എന്നപേരില്‍ സ്ഥാപനം തുടങ്ങിയാണ് തട്ടിപ്പ് നടത്തിയത്.സഭ പുറത്താക്കിയ മുന്‍ വൈദികന്‍ പറബില്‍ നോബി പോള്‍ പുരോഹിത വേഷമണിഞ്ഞാണ് തട്ടിപ്പിന് ഇറങ്ങിയത്. തട്ടിപ്പിനിരയായ അടിമാലി, പാലക്കാട് സ്വദേശികള്‍ നല്‍കിയ പരാതിയുടെ അടിസ്ഥാനത്തിലാണ് അറസ്റ്റുകള്‍ നടന്നത്.