ആക്രമിക്കപ്പെട്ട നടിയോട് ദിലീപിന് വൈരാഗ്യമുണ്ടായിരുന്നു എന്ന സുപ്രധാനമൊഴി ദിലീപിന്റെ ഭാര്യയായിരുന്ന നടി മഞ്ജുവാര്യരിൽ നിന്നും അന്വേഷണ സംഘം രേഖപ്പെടുത്തിയതായി സൂചന. ഇതോടെ ദിലീപിന്റെ ഭാവി കടുക്കും. ദിലീപ് കേസിനെ സംബന്ധിച്ചടത്തോളം ഏറ്റവും നിർണായകമായ മൊഴിയാണ് ഇത്. മഞ്ജു വാര്യരിൽ നിന്നാണ് വിശ്വസനീയമായ മൊഴി ലഭിക്കാൻ സാധ്യതയുള്ളതെന്ന അന്വേഷണ സംഘത്തിന്റെ നിഗമനത്തിന്റെ ഫലമാണ് മൊഴി.

മഞ്ജു വാര്യയുടെ മൊഴി അന്വേഷണ സംഘം തലവയായ ബി.സന്ധ്യ നേരിട്ടാണ് എടുത്തത്. മൊഴി വീഡിയോ ഗ്രാഫ് ചെയ്തിട്ടുണ്ട്. മഞ്ജു മൊഴിയിൽ നിന്നും പിൻമാറുമെന്ന് അന്വേഷണ സംഘം കരുതുന്നില്ല. കാരണം മഞ്ജു അത്തരത്തിൽ ഒരാളല്ല. അതേ സമയം ദിലീപ് നടിയെ ആക്രമിച്ചതായി തനിക്കറിയില്ലെന്നും അവർ മൊഴി നൽകിയിട്ടുണ്ട്. കേസിലെ പതിമൂന്നാം സാക്ഷിയാന്ന് താരം.

മഞ്ജുവിന്റെ മൊഴിയിലെ എല്ലാ കാര്യങ്ങളും സത്യമാണ്. പ്രധാനവുമാണ്. കാവ്യയും ദിലീപുമായുള്ള ബന്ധം തനിക്ക് പറഞ്ഞു തന്നത് ആക്രമണത്തിന് ഇരയായ നടിയാണെന്ന സംശയം ദിലീപിന് ഉണ്ടായിരുന്നതായി മഞ്ജു മൊഴി നൽകിയിട്ടുണ്ട്. ആക്രമത്തിന് ഇരയായ നടി സാധാരണ ഒന്നും മറച്ചു വയ്ക്കാറില്ല. എന്തും ആരോടും പറയും. അവർ ദിലീപിനെ കളിയാക്കാറുണ്ട്. ദിലീപിന്റെ സെറ്റുകളിൽ അദ്ദേഹത്തെ കളിയാക്കുമ്പോൾ അത് അദ്ദേഹത്തിന് ഫീൽ ചെയ്യാറുണ്ട്.

ദിലീപിന് തന്നെ സിനിമയിൽ വീണ്ടും അഭിനയിപ്പിക്കാനോ നൃത്തം അവതരിപ്പിക്കാനോ താത്പര്യമില്ലായിരുന്നു എന്ന് മഞ്ജു വാര്യർ പറഞ്ഞു. തന്റെ പ്രശസ്തിയിൽ ദിലീപ് അസഹ്യനായിരുന്നു എന്നും മഞ്ജു പറഞ്ഞു. ദിലീപും കാവ്യയും തമ്മിലുള്ള ബന്ധത്തെ കുറിച്ച് ആക്രമണത്തിന് ഇരയായ നടി തന്നോടൊന്നും പറഞ്ഞിട്ടില്ല. ഒരു കാരണവശാലും അക്കാര്യം പറയില്ല. കാരണം അത് തനിക്ക് വേദനയുണ്ടാക്കുമെന്ന് നടിക്കറിയാം.

ഇക്കാര്യം അറിഞ്ഞപ്പോൾ തന്നെ താൻ ദിലീപിന്റെ തെറ്റിദ്ധാരണ മാറ്റാൻ താൻ ശ്രമിച്ചിരുന്നു. എന്നാൽ ദിലീപ് അതിൽ നിന്നും പിൻമാറിയില്ല. പിന്നീട് സംശയ കണ്ണുകളോടെയാണ് തന്നെ നോക്കിയിരുന്നതെന്നും മൊഴിയിൽ പറയുന്നു. സാധാരണ സാക്ഷികളെ പോലെ മഞ്ജു മൊഴി മാറാൻ സാധ്യതയില്ല. ദിലീപിന്റെ വീട്ടിൽ താൻ അനുഭവിച്ച വേദനകളൊക്കെ മൊഴിയിലുണ്ട്. തനിക്ക് ജീവിക്കാൻ കഴിയില്ലായിരുന്നു. സ്നേഹത്തോടെ ഒന്ന് സംസാരിക്കുക പോലുമുണ്ടായിരുന്നില്ല. രോഗം വന്നാൽ പോലും ശ്രദ്ധിക്കാറുണ്ടായിരുന്നില്ല. മകളെ തന്നിൽ നിന്നും അകറ്റാൻ ശ്രമിച്ചതായി മഞ്ജു സന്ധ്യയോട് മൊഴി നൽകിയിട്ടുണ്ടെന്ന് പറയുന്നു. എന്നാൽ അക്കാര്യം റെക്കോർഡ് ചെയ്തിട്ടില്ല.

മഞ്ജുവും സന്ധ്യയും അടുത്ത സുഹൃത്തുക്കളാണ്. സന്ധ്യയോട് മഞ്ജു എല്ലാം തുറന്നു പറഞ്ഞു എന്നാണ് വിവരം. എന്നാൽ അതിൽ പലതും റെക്കോർഡ് ചെയ്തിട്ടില്ല. കാരണം പലതും സ്വകാര്യ വിവരങ്ങളാണ്. അക്രമത്തിന് ഇരയായ നടിയോട് ദിലീപിന് വിരോധമുണ്ടായിരുന്നു എന്ന മൊഴിയിൽ മഞ്ജു ഉറച്ചു നിന്നാൽ ദിലീപിന് രക്ഷപ്പെടാനാകില്ല.