നെയ്യാറ്റിന്‍കരക്കു സമീപം മാരായമുട്ടത്ത് പാറമടയിടിഞ്ഞു വീണ് രണ്ടുപേര്‍ മരിച്ചു. ഇവരില്‍ ഒരാള്‍ സേലം സ്വദേശിയാണ്. ഏഴുപേര്‍ക്ക് പേര്‍ക്കു പരുക്കേറ്റു. പലരുടെയും നില ഗുരുതരമാണ്. പാറ പൊട്ടിക്കുന്നതിനിടെയാണ് അപകടമുണ്ടായത്.

നിരവധി പേര്‍ പാറകള്‍ക്കിടയില്‍ കുടുങ്ങിയ നിലയിലായിരുന്നു. ഇവരില്‍ അഞ്ചു പേരെ പുറത്തെടുത്തിട്ടുണ്ട്. അപകടത്തില്‍ പരിക്കേറ്റ 3 പേരെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. സുധിന്‍ (23) മാരായമുട്ടം, അജി (45) വെള്ളറട, ബിനില്‍കുമാര്‍ (23) മാലകുളങ്ങര എന്നിവരേയാണ് ആശുപത്രിയില്‍ പ്രവേശിപ്പിച്ചത്. ഇവര്‍ക്ക് ഗുരുതര പരിക്ക്. ക്വാറിയില്‍ 20 ഓളം പേര്‍ ഉണ്ടായിരുന്നതായാണ് പറയുന്നത്. ഇത് വ്യക്തമല്ല. പാറമടയ്ക്ക് ലൈസന്‍സില്ല എന്ന് പ്രദേശ വാസികള്‍ പറയുന്നു. 

അപകടത്തില്‍ പരിക്കേറ്റ എല്ലാവര്‍ക്കും എല്ലാവിധ പരിശോധനകളും ശസ്ത്രക്രിയ ഇന്‍പ്ലാന്റും ഉള്‍പ്പെടെ സൗജന്യമായി ചെയ്തുകൊടുക്കുമെന്ന് മെഡിക്കല്‍ കോളേജ് ആശുപത്രി സൂപ്രണ്ട് അറിയിച്ചു.