ആറ്​ ആണ്‍കുട്ടികള്‍ ചേര്‍ന്ന് എട്ടുവയസ്സുകാരിയെ പീഡിപ്പിച്ചു. പുനെയിലെ കൊന്ദവ മേഖലയിലാണ് ഈ ക്രൂരത അങ്ങേറിയത്. വയറുവേദനമൂലം മാതാപിതാക്കൾ ആശുപത്രിയിലെത്തിച്ചപ്പോഴാണ് പീഡനവിവരം പുറത്താകുന്നത്.

വയറുവേദനയെ തുടര്‍ന്ന്​ നടത്തിയ പരിശോധനയിലാണ്​ പെണ്‍കുട്ടി പലപ്രാവശ്യം ലൈംഗീകപീഡനത്തിനു ഇരയായിട്ടുണ്ടെന്ന് ഡോക്ടർമാർ കണ്ടെത്തുന്നത്. പിന്നീട് ഇതേക്കുറിച്ച് ചോദിച്ചപ്പോഴാണ് തന്നെ പലതവണ പീഡിപ്പിച്ച വിവരം കുട്ടി പുറത്തു പറയുന്നത്.

പീഡിപ്പിച്ച ആൺകുട്ടികളുടെ ഭീഷണി പേടിച്ച്​ പെണ്‍കുട്ടി സംഭവം രഹസ്യമാക്കുകയായിരുന്നു. സംഭവം അറിഞ്ഞയുടന്‍തന്നെ പെണ്‍കുട്ടിയുടെ രക്ഷിതാക്കള്‍ കേസ്​ രജിസ്​റ്റര്‍ ചെയ്തു. സംഭവത്തില്‍ 19 കാരനെ ​പോലീസ്​ അറസ്​റ്റ്​ ചെയ്​തു. മറ്റു പ്രതികള്‍ ആറു മുതല്‍ 12 വയസു വരെയുള്ള കുട്ടികളാണ്​.