എയർടെൽ പേമന്റ്​ ബാങ്ക്​ മാനേജിങ്​ ഡയറക്​ടറും സി.ഇ.ഒയുമായ ശശി അറോറ രാജിവെച്ചു. ഉപഭോക്​താക്കളുടെ എൽപിജി സബ്​സിഡി അതത്​ ബാങ്ക്​ അക്കൗണ്ടുകളിൽ നിക്ഷേപിക്കുന്നതിനു പകരം അവരുടെ അനുവാദമില്ലാതെ പേമെന്‍റ് ബാങ്ക്​ അക്കൗണ്ടുകളുണ്ടാക്കി അതിലേക്ക്​ മാറ്റിയതിനെ തുടർന്ന്​​ സ്പെഷൽ തിരിച്ചറിയൽ അതോറിറ്റി (യു​ഐഡിഎ​ഐ) എയർടെലി​​ന്‍റെ ഇകെവൈസി ലൈസൻസ്​ റദ്ദാക്കിയിരുന്നു. ഇതാണ് രാജി വയ്ക്കാൻ കാരണമെന്നാണ് നിഗമനം.

രാജി സംബന്ധിച്ച് കൂടുതൽ വിവരങ്ങൾ പുറത്ത് വിട്ടിട്ടില്ല. ശശി അറോറ സ്​ഥാപനത്തിന്​ പുറത്ത്​ മെച്ചപ്പെട്ട അവസരങ്ങൾ തേടിപ്പോയതാണെന്ന്​ എയർടെൽ വാർത്തക്കുറിപ്പിൽ അറിയിച്ചു. 2016 ജൂൺ ഒന്നിനാണ്​ അറോറ എയർടെൽ പേമ​ന്‍റ്​ ബാങ്കിന്റെ മേധാവിയായത്​. അതുപ്പോലെ ഗുണഭോക്​താക്കളുടെ 138 കോടി രൂപ അതത്​ ബാങ്ക്​ അക്കൗണ്ടുകളിൽ തിരിച്ച്​ നിക്ഷേപിച്ചതിനെ തുടർന്ന്​ എയർടെൽ മൊബൈൽ ഗുണഭോക്​താക്കളുടെ ആധാർരേഖകൾ പരിശോധിക്കാനുള്ള അവകാശം പുനഃസ്​ഥാപിച്ചു. എന്നാൽ, ഒാഡിറ്റ്​ റിപ്പോർട്ടും അന്തിമ അന്വേഷണ വിവരങ്ങളും ലഭിക്കുന്നതുവരെ ഇ.കെ.വൈ.സി ലൈസൻസ്​ പുനഃസ്​ഥാപിക്കില്ലെന്നാണ്​ അധികൃതർ പറയുന്നത്.