ആര്‍കെ നഗര്‍ ആര്‍ക്കൊപ്പം...വിജയപ്രതീക്ഷയില്‍ സ്ഥാനാര്‍ത്ഥികള്‍, ജനവിധിയറിയാന്‍ ഇനി മണിക്കൂറുകള്‍ മാത്രം
തമിഴ്‌നാട് മുഖ്യമന്ത്രി ആയിരുന്ന ജയ ലളിതയുടെ മരണത്തെ തുടര്‍ന്ന് ഒഴിവു വന്ന ആര്‍ കെ നഗര്‍ മണ്ഡലത്തിലേക്ക് നടന്ന ഉപതെരഞ്ഞെടുപ്പിന്റെ വോട്ടെണ്ണല്‍ ഇന്ന്.രാവിലെ എട്ടുമണിക്ക് വോട്ടെണ്ണല്‍ ആരംഭിക്കും.
എ ഐ ഡി എം കെ യുടെ ഇ മധുസൂദനന്‍ ,ഡി എം കെ യുടെ മരുതു ഗണേശന്‍, സ്വതന്ത്രനായി മത്സരിച്ച ടി ടി വി ദിനകരന് എന്നിവര്‍ തമ്മിലുള്ള ശക്തമായ ത്രികോണ മത്സരമാണ് നടന്നത്.
ടി ടി വി ദിനകരന് അനുകൂലമാണ് എക്‌സിറ്റ് പോള്‍ ഫലങ്ങള്‍. തമിഴ്‌നാട് രാഷ്ട്രീയത്തിന്റെ ഗതി നിര്‍ണയിക്കുന്നതായിരിക്കും ആര്‍ കെ നഗര്‍ ഉപ തിരഞ്ഞെടുപ്പ് ഫലം.
ജയലളിതയുടെ മരണത്തോടെ തമിഴ്‌നാട് രാഷ്ട്രീയത്തിലുണ്ടായിരിക്കുന്ന അനിശ്ചിതാവസ്ഥയുടെ പശ്ചാത്തലത്തില്‍ നടന്ന തിരഞ്ഞെടുപ്പാണ് ആര്‍.കെ. നഗറിലേത്. എ.ഐ.എ.ഡി.എം.കെ.യിലെ ഇരുവിഭാഗങ്ങളും ഡി.എം.കെ.യും വാശിയോടെ പോരാടിയ തിരഞ്ഞെടുപ്പില്‍ ശക്തമായ ത്രികോണ മത്സരമാണ് നടന്നത്.
എ.ഐ.എ.ഡി.എം.കെ. ഔദ്യോഗിക വിഭാഗത്തിനുവേണ്ടി പാര്‍ട്ടി പ്രസീഡിയം ചെയര്‍മാന്‍ ഇ. മധുസൂദനനും വിമതവിഭാഗത്തിനുവേണ്ടി ശശികലയുടെ സഹോദരിയുടെ മകന്‍ ടി.ടി.വി. ദിനകരനുമാണ് മത്സരിച്ചത്.
https://www.facebook.com/Malayalivartha
