പുതുവര്‍ഷത്തില്‍ രാഷ്ട്രീയ നിലപാട് പ്രഖ്യാപിക്കുമെന്ന് തെന്നിന്ത്യന്‍ സൂപ്പര്‍ താരം രജനീകാന്ത്
അഭ്യൂഹങ്ങള്‍ക്ക് ഒടുവില്‍ രാഷ്ട്രീയ നിലപാട് പ്രഖ്യാപിക്കാനൊരുങ്ങി തെന്നിന്ത്യന്‍ സൂപ്പര്‍ താരം രജനീകാന്ത്.
ദൈവം സഹായിച്ചാല്‍ താന്‍ രാഷ്ട്രീയത്തില്‍ പ്രവേശിക്കുമെന്ന് രജനീകാന്ത് പറഞ്ഞു. ചെന്നൈയിലെ കോടമ്പാക്കത്ത് വിളിച്ചു ചേര്‍ത്ത ആരാധക സംഗമത്തിലാണ് രജനി രാഷ്ട്രീയ പ്രവേശനത്തില്‍ നിലപാട് വ്യക്തമാക്കിയത്.
തന്റെ രാഷ്ട്രീയ പ്രവേശനം ജനങ്ങള്‍ എങ്ങിനെ കാണുവെന്ന് അറിയില്ല. എന്നാല്‍ മാധ്യമങ്ങള്‍ക്ക് ഇതില്‍ വലിയ താല്‍പര്യമുണ്ട്. യുദ്ധത്തില്‍ ജയിക്കാന്‍ ജനപിന്തുണ മാത്രം പോരാ തന്ത്രങ്ങള്‍ കൂടി വേണമെന്നും രജനി കൂട്ടിച്ചേര്‍ത്തു.
ആറു ദിവസങ്ങളിലായി നടക്കുന്ന രജനിയുടെ ആരാധക സംഗമം 31ന് അവസാനിക്കും. എല്ലാ ജില്ലകളില്‍ നിന്നുമുള്ള തെരഞ്ഞെടുക്കപ്പെട്ട പ്രതിനിധികളെയാണ് രജനീകാന്ത് കാണുന്നത്. രാവിലെ എട്ട് മുതല്‍ വൈകിട്ട് മൂന്ന് വരെ നടക്കുന്ന ചടങ്ങില്‍ ദിവസവും ആയിരം പേരാണ് പങ്കെടുക്കുക.
https://www.facebook.com/Malayalivartha
