ഐ.ഐ.ടി.യില്‍ വെള്ളിയാഴ്ച ആരംഭിച്ച വാര്‍ഷിക ശാസ്ത്ര സാങ്കേതിക മീറ്റ് ടെക്‌ഫെസ്റ്റില്‍ പങ്കെടുക്കാനെത്തിയ സോഫിയ കാഴ്ച്ചക്കാരെ  കണ്ട് പതറിയില്ല.

എല്ലാ ചോദ്യങ്ങള്‍ക്കും സോഫിയ ക്യത്യം മറുപടി നല്‍കി. കാണികള്‍ക്ക് സോഫിയ ആവേശമായി മാറുകയായിരുന്നു. ഇന്ത്യന്‍ സന്ദര്‍ശനത്തെ എങ്ങനെ നോക്കാിക്കാണുന്നു എന്നായിരുന്നു സോഫിയയോടുള്ള സദസ്സിന്റെ ആദ്യ ചോദ്യം.

ഇന്ത്യയിലെ ആദ്യ സന്ദര്‍ശനമാണിതെന്നും നിരവധി പാരമ്പ്യങ്ങള്‍ ഉള്‍ക്കൊള്ളുന്ന ആകര്‍ഷകമായ രാജ്യമാണ് ഇന്ത്യയെന്നും ഇന്ത്യയുടെ ബഹിരാകാശരംഗത്തെ നേട്ടത്തെ വലിയ നേട്ടമായി കാണുന്നതോടൊപ്പം അഭിനന്ദിക്കുന്നതായും സോഫിയ പറഞ്ഞു.

പിന്നീട് ആര്‍ട്ടിഫിഷ്യല്‍ ഇന്റലിജന്‍സ്, സയന്‍സും തത്ത്വചിന്തയും തമ്മിലുള്ള ചേര്‍ച്ച, ജനങ്ങളെ എങ്ങനെയാണ് വിശകലനം ചെയ്യുന്നത്, ആളുകളെ തിരിച്ചറിയുന്നത് എങ്ങനെ തുടങ്ങിയ ചോദ്യങ്ങള്‍ക്ക് സോഫിയ ഉത്തരം പറഞ്ഞു. ഏതൊക്കെ ഭാഷകള്‍ അറിയാമെന്ന ചോദ്യത്തിന് നിലവില്‍ ഇംഗ്ലീഷ്. മറ്റു ഭാഷകള്‍ പഠിച്ചു കൊണ്ടിരിക്കുകയാണെന്നും മറുപടി നല്‍കി.

ലോകത്ത് ആദ്യമായി ഒരു രാജ്യത്തിന്റെ പൗരത്വം ലഭിച്ച മനുഷ്യഭാവചലനങ്ങളുള്ള റോബോട്ട് ആയ സോഫിയയുടെ ആദ്യ ഇന്ത്യന്‍ സന്ദര്‍ശനമാണിത്. ഒക്ടോബറില്‍ നടന്ന ഫ്യൂച്ചര്‍ ഇന്‍വെസ്റ്റ്‌മെന്റ് ഇനിഷ്യേറ്റീവ് കോണ്‍ഫറന്‍സിലാണ് സോഫിയയ്ക്ക് സൗദി അറേബ്യ പൗരത്വം നല്‍കിയത്. കുറെ നേരം ആലോചിച്ചിട്ടെ സോഫിയ ഉത്തരങ്ങള്‍ നല്‍കാറുള്ളൂ.

ആര്‍ട്ടിഫിഷ്യല്‍ ഇന്റലിജന്‍സ് സാങ്കേതികവിദ്യ അടിസ്ഥാനമാക്കിയുള്ള 'സോഫിയ' എന്ന ഹ്യൂമനോയ്ഡ് റോബോട്ടിന് സൗദി അറേബ്യയില്‍ പൗരത്വം നല്‍കിയിരുന്നു. സംസാരിക്കാനും വികാരങ്ങള്‍ പ്രകടിപ്പിക്കാനും കഴിവുള്ള റോബോട്ടാണ് 'സോഫിയ'.

സൗദിയില്‍ നടന്ന ഫ്യൂച്ചര്‍ ഇന്‍വെസ്റ്റ്‌മെന്റ് ഇനിഷ്യേറ്റിവ് കോണ്‍ഫറന്‍സില്‍ വച്ച് ബുധനാഴ്ചയാണ് റോബോട്ടിന് പൗരത്വം നല്‍കിയത്.'റോബോട്ട്' നിര്‍മ്മിച്ചത് ഹാന്‍സണ്‍ റോബോട്ടിക്‌സാണ്.

ആദ്യമായിട്ടാണ് ഒരു രാജ്യം റോബോട്ടിന് പൗരത്വം നല്‍കുന്നത്. ഈ അംഗീകാരത്തില്‍ ഏറെ അഭിമാനം തോന്നുന്നുവെന്നും പൗരത്വം ലഭിക്കുന്ന ആദ്യ റോബോട്ട് ചരിത്രപരമാണെന്നും സോഫിയ പ്രതികരിക്കുകയും ചെയ്തു.

മനുഷ്യര്‍ക്ക് നല്ല രീതിയിലുള്ള ജീവിതം നയിക്കുന്നതിനാവശ്യമായ കാര്യങ്ങള്‍ക്കു വേണ്ടി തന്റെ നിര്‍മിത ബുദ്ധി ഉപയോഗിക്കുമെന്നും, ഈ ലോകത്തെ മികച്ച ഒരിടമാക്കി മാറ്റാന്‍ തന്നെക്കൊണ്ട് സാധിക്കും വിധം പരിശ്രമിക്കുമെന്നും സോഫിയ എന്ന മനുഷ്യ നിര്‍മ്മിത റോബോര്‍ട്ട് പറഞ്ഞു.