മുസ്ലീം ജനസംഖ്യ വര്‍ധിക്കുന്നത്​ ഹിന്ദുക്കള്‍ക്ക്​ ഭീഷണിയാണെന്ന് ബി.ജെ.പി എം.എല്‍.എ ബന്‍വാരിലാല്‍ സിംഘാല്‍. തന്റെ ഫേസ്ബുക്ക് പോസ്റ്റിലൂടെയാണ് അദ്ദേഹം ഇക്കാര്യം പറഞ്ഞത്. 2030ഒാടെ ഇന്ത്യയുടെ നിയന്ത്രണം കൈയടക്കാനും ഹിന്ദു ജനസംഖ്യയെ കടത്തിവെട്ടാനും മുസ്ലിങ്ങൾ കൂടുതല്‍ കുട്ടികളെ ​പ്രസവിച്ചു കൂട്ടുകയാണെന്നും അദ്ദേഹം പറഞ്ഞു.

''മുസ്ലിങ്ങൾ 12-14 കുട്ടികളെയാണ്​ പ്രസവിക്കുന്നത്​. ഹിന്ദുക്കളാക്കൾ ഒന്നോ രണ്ടോ കുട്ടികളിൽ നിർത്തുന്നു. മുസ്ലീം ജനസംഖ്യ വര്‍ധിക്കുന്നത്​ ഹിന്ദുക്കള്‍ക്ക്​ ഭീഷണിയാണ്​. പ്രസിഡന്‍റ്​, ​പ്രധാനമന്ത്രി, മുഖ്യമന്ത്രിമാര്‍ എന്നീ പദവികള്‍ ലക്ഷ്യം വച്ചുള്ള ഗൂഢാലോചനയാണ്​ മുസ്ലിങ്ങൾ നടത്തുന്നത്​'' - അദ്ദേഹം തന്റെ ഫേസ്ബുക്ക് പേജിൽ പറയുന്നു. മുസ്ലിങ്ങൾ നിയമനിര്‍മാണപദവികളിലെത്തിയാല്‍ ഹിന്ദുക്കള്‍ രണ്ടാംകിട പൗരന്മാരാകും. ഏറെ ആലോചിച്ചശേഷമാണ്​ ഇൗ പോസ്​റ്റ്​ ഇട്ടതെന്നും അതുകൊണ്ടുതന്നെ പിന്‍വലിക്കില്ലെന്നും അദ്ദേഹം പറഞ്ഞു.