രാജ്യം ഉറ്റു നോക്കുന്ന സുപ്രധാനമായ രണ്ടു ബില്ലുകള്‍ക്കാണ് ഇന്നും നാളെയുമായി പാര്‍ലമെന്റ് വേദിയാകുന്നത്. ഇന്ത്യയുടെ ആരോഗ്യമേഖലയെ അടിമുടി മാറ്റുന്ന നാഷണല്‍ മെഡിക്കല്‍ ബില്ലും മുസ്ലീംങ്ങളുടെ പാരമ്പര്യത്തെ ചോദ്യം ചെയ്യുന്ന മുത്തലാഖുമാണ് ആ ബില്ലുകള്‍. ഈ രണ്ടു ബില്ലുകള്‍ക്കും അനുകൂലിച്ചും പ്രതികൂലിച്ചും വാദമുഖങ്ങളും പ്രതിഷേധങ്ങളും ഉയരുകയാണ്.

മുത്തലാഖിലൂടെ വിവാഹമോചനം ചെയ്യുന്നവര്‍ക്ക് മൂന്ന് വര്‍ഷം തടവ് ശിക്ഷ ഉറപ്പാക്കുന്ന ബില്‍ രാജ്യസഭയില്‍ അവതരിപ്പിക്കുന്നത് കേന്ദ്ര സര്‍ക്കാര്‍ നാളത്തേക്ക് മാറ്റി. ലോക്‌സഭ പാസാക്കിയ ബില്‍ ഇന്ന് കേന്ദ്ര നിയമമന്ത്രി രവിശങ്കര്‍ പ്രസാദ് രാജ്യസഭയില്‍ അവതരിപ്പിക്കാനിരുന്നതാണ്. ബില്ലില്‍ മാറ്റം വേണമെന്ന് പ്രതിപക്ഷം.