മൂത്തലാഖ് ബില്‍ പാസ്സാക്കാനാകാതെ രാജ്യസഭയില്‍ പാര്‍ലമെന്റിന്റെ ശൈത്യകാല സമ്മേളനം അവസാനിച്ചു. ബില്‍ സെലക്‌ട് കമ്മറ്റിക്ക് വിടുന്നതിനെച്ചൊല്ലി ഭരണ പ്രതിപക്ഷ ഏറ്റുമുട്ടലിനെ തുടര്‍ന്നാണ് രാജ്യസഭയ്ക്ക് ബില്‍ പരിഗണിക്കാന്‍ കഴിയാതിരുന്നത്. ബില്‍ സെലക്‌ട് കമ്മിറ്റിക്ക് വിടണമെന്ന പ്രമേയം വോട്ടിനിടണമെന്ന് പ്രതിപക്ഷം ആവശ്യപ്പെട്ടുകൊണ്ടായിരുന്നു ഏറ്റുമുട്ടൽ .

അടുത്ത ബജറ്റ് സമ്മേളനത്തില്‍ മൂത്തലാഖ് ബില്‍ അവതരിപ്പിക്കുമെന്നതാണ് അടുത്ത പ്രതീക്ഷ. ഇന്ന്​ ബില്ല്​ ചര്‍ച്ചക്കെടുക്കുമെന്ന്​ കരുതി നിര്‍ബന്ധമായും സഭയില്‍ ഹാജരായിരിക്കണമെന്ന്​ കോണ്‍ഗ്രസും ബി.ജെ.പിയും എം.പിമാര്‍ക്ക്​ വിപ്പ്​ നല്‍കിയിരുന്നു. സഭാനടപടികള്‍ തടസ്സപ്പെടുന്നതില്‍ രാജ്യസഭാ അധ്യക്ഷന്‍ കൂടിയായ ഉപരാഷ്ട്രപതി വെങ്കയ്യ നായിഡു അതൃപ്തി അറിയിച്ചു.