രാഷ്ട്രീയ പ്രഖ്യാപനം പ്രഖ്യാപിച്ച മെഗാതാരങ്ങള് ഒരേ ഹെലികോപ്ടറില് മലേഷ്യയില്
രാഷ്ട്രീയ പ്രവേശനം പ്രഖ്യാപിച്ച സൂപ്പര് മെഗാതാരങ്ങളായ രജനീകാന്തും കമലഹാസനും ഒരേ ഹെലികോപ്ടറില് മലേഷ്യയില്. തമിഴ് ഫിലിം ഇന്ഡസ്ട്രീക്കായി പണം സ്വരൂപിക്കുന്നതുമായി ബന്ധപ്പെട്ട് തമിഴ് താര സംഘടനയുടെ നേതൃത്വത്തില് നടന്ന ചടങ്ങില് പങ്കെടുക്കാനാണ് സ്വപ്നതാരങ്ങള് ഒരുമിച്ച് ക്വാലാലംപൂരില് പറന്നിറങ്ങിയത്.
കറുത്ത നിറത്തിലെ പൈജാമയായിരുന്നു രജനിയുടെ വേഷമെങ്കില് ശുഭ്രധാരിയായാണ് കമല് എത്തിയത്. കോളിവുഡിലെ 250ഓളം പ്രമുഖതാരങ്ങള് അണിനിരന്നതായിരുന്നു ചടങ്ങ്. രാഷ്ട്രീയ പ്രവേശന പ്രഖ്യാപനത്തിന് ശേഷം ഇരു താരങ്ങളുടെ ഓരോ നീക്കവും വളരെ ആകാംക്ഷയോടെയാണ് തമിഴകം നോക്കി കാണുന്നത്. പുതുവര്ഷ തലേന്ന് രാഘവേന്ദ്ര ഓഡിറ്റോറിയത്തില് വച്ചു നടന്ന ആരാധക സംഗമത്തിലാണ് രജനി തന്റെ രാഷ്ട്രീയ പ്രവേശന പ്രഖ്യാപനം നടത്തിയത്.
വിദേശ മാദ്ധ്യമങ്ങള് പോലും രജനിയുടെ വാര്ത്ത വന് പ്രാധാന്യത്തോടെയാണ് നല്കിയത്. അടുത്ത ലോക്സഭാ തിരഞ്ഞെടുപ്പില് എല്ലാ സീറ്റിലും മത്സരിക്കുമെന്നും രജനി തദവസരത്തില് പറഞ്ഞിരുന്നു. നവംബറില് തന്നെ കമലും തന്റെ രാഷ്ട്രീയ പ്രഖ്യാപനം നടത്തിയിരുന്നു. ജനങ്ങളുമായി സംവദിക്കുന്നതിന് മൊബൈല് ആപ്ളിക്കേഷനും കമല് പുറത്തിറക്കി.
https://www.facebook.com/Malayalivartha
