കെടിഎം ബൈക്കിടിച്ച് പെണ്കുട്ടി മരിച്ചു ; ബൈക്കര്മാരെ തല്ലിച്ചതച്ച് ജനക്കൂട്ടം മരത്തിൽ കെട്ടി ... വീഡിയോ വൈറൽ
പതിവ് പോലെ അവധി ദിനം ആഘോഷമാകാനായി ഇറങ്ങി പുറപ്പെട്ടതായിരുന്നു ബംഗളൂരുവില് നിന്നും ഒരുകൂട്ടം ബൈക്കര്മാര്. എന്നാൽ ബംഗളൂരുവില് നിന്നും ചിക്ബലാപൂരിലേക്ക് തിരിച്ച ബൈക്ക് റൈഡര്മാരെ കാത്തിരുന്നത് മറ്റൊന്നായിരുന്നു.
ദേശീയ പാതയില് അശ്രദ്ധമായി അമിത വേഗതയില് സഞ്ചരിച്ച കെടിഎം റൈഡര് പതിനൊന്നു വയസ്സുള്ള പെണ്കുട്ടിയെ ഇടിക്കുകയായിരുന്നു. എന്നാൽ സംഭവത്തില് പ്രദേശവാസികള് രോഷാകുലരായതോടെ സ്ഥിതിഗതികള് ആകെ മാറി. സംഭവത്തിൽ രോഷാകുലരായി ദേശീയ പാത ഉപരോധിച്ച ജനക്കൂട്ടം ബുലാലി ജംങ്ഷനിലൂടെ കടന്നുപോകുന്ന ബൈക്കര്മാരെ തടഞ്ഞുനിര്ത്തി കൈയ്യേറ്റം ചെയ്യാന് ആരംഭിച്ചു. റൈഡര്മാരെ റോഡില് തടഞ്ഞുനിര്ത്തിയ ജനം ബൈക്കില് നിന്നും വലിച്ചിഴച്ചു ക്രൂരമായി മര്ദ്ദിക്കുകയും ബൈക്കുകൾ നശിപ്പിക്കുകയും ചെയ്തു .
പെണ്കുട്ടിയുടെ മരണത്തിനിടയാക്കിയ കെടിഎം RC390 യ്ക്ക് ഒപ്പം ഹാര്ലി-ഡേവിഡ്സണ് ഫാറ്റ്ബോയ്, ബിഎംഡബ്ല്യു R1200GS പോലുള്ള മോട്ടോര്സൈക്കിളുകളും ജനക്കൂട്ടത്തിന്റെ രോഷത്തിന് ഇരയായി. അപകടം സൃഷ്ടിച്ച കെടിഎം റൈഡറെ ജനം കൈകാര്യം ചെയ്ത് മരത്തിനോട് ചേര്ത്ത് കെട്ടി. സംഭവത്തെ തുടർന്ന് മണിക്കൂറുകളോളം ദേശീയ പാതയിലൂടെയുള്ള ഗതാഗതം സ്തംഭിച്ചു. പൊലീസ് എത്തി സ്ഥിതിഗതികള് നിയന്ത്രണ വിധേയമാക്കിയപ്പോഴേക്കും ഏറെ നാശനഷ്ടങ്ങള് സംഭവിച്ചു കഴിഞ്ഞിരുന്നു.
ബംഗളൂരുവില് നിന്നും നന്തിയിലേക്കുള്ള യാത്രയില് ബൈക്ക് റൈഡര്മാരുടെ പ്രിയ സഞ്ചാരമാര്ഗമാണ് ചിക്ബലാപൂര് മേഖല.വാരാന്ത്യങ്ങളില് നൂറിലേറെ റൈഡര്മാരാണ് ബംഗളൂരുവില് നിന്നും നന്തിയിലേക്ക് ഇതുവഴി പുറപ്പെടാറുള്ളത്.
https://www.facebook.com/Malayalivartha
