ഞങ്ങള്ക്കിനി ജീവിക്കണ്ട ,ദയാവധത്തിനു അനുമതി തേടി ദമ്പതികള്
ദയാവധത്തിന് അനുമതി നല്കണമെന്നാവശ്യപ്പെട്ട് വൃദ്ധദമ്പതികള് രാഷ്ട്രപതി രാംനാഥ് കോവിന്ദിന് കത്ത് നല്കി. മുംബൈ സ്വദേശികളായ മുന് ട്രാന്സ്പോര്ട്ട് കോര്പ്പറേഷന് ജീവനക്കാരനായ നാരായണ് ലാവതെ(86) യും, ഹൈസ്കൂള് പ്രധാനാധ്യാപികയായി വിരമിച്ച ഐരാവതി ലാവതെ(79)യുമാണ് ദയാവധത്തിന് അനുമതി ചോദിച്ച് രംഗത്തെത്തിയിരിക്കുന്നത്.
ഞങ്ങളെക്കൊണ്ട് സമൂഹത്തിന് ഇപ്പോള് ഒരു പ്രയോജനവും ഇല്ല. ഇനി തുടര്ന്നും ഉണ്ടാവുകയും ഇല്ല. അതിനാല് ഞങ്ങളെ ഒരുമിച്ച് മരിക്കാന് അനുവദിക്കണമെന്ന് ദമ്പതികള് രാഷ്ട്രപതിയ്ക്ക് അയച്ച കത്തില് പറയുന്നു. ഞങ്ങള്ക്ക് കുട്ടികളില്ലെന്നും ഗുരുതരമായ ആരോഗ്യപ്രശ്നങ്ങളോ മറ്റ് വിഷമതകളോ ഇല്ലെന്നും ദമ്പതികള് കത്തില് വ്യക്തമാക്കി.
ജീവിക്കാന് ഞങ്ങള്ക്ക് താല്പര്യമില്ല. ജീവിതത്തില് യാതൊരു വിധ പ്രശ്നങ്ങളുമില്ല, എങ്കിലും ജീവിതം തുടരാന് ആഗ്രഹിക്കുന്നില്ല. ഒരു ഡോക്ടറുടെ സഹായത്താല് ഒരുമിച്ച് മരണം വരിക്കാന് തയ്യാറാണ് അതുകൊണ്ടാണ് ദയാവധത്തിന് അനുമതി തേടി രാഷ്ട്രപതിയ്ക്ക് കത്തയച്ചതെന്ന് ദമ്പതികള് വ്യക്തമാക്കി.
https://www.facebook.com/Malayalivartha
