സുപ്രീംകോടതിയില്‍ പ്രശ്​നങ്ങള്‍ക്ക്​ പരിഹാരമായതായി കരുതുന്നുവെന്ന്​ ജസ്​റ്റിസ്​ കുര്യന്‍ ജോസഫ്​. എതെങ്കിലും വ്യക്​തിക്കെതിരായ പ്രതിഷേധമല്ല തങ്ങള്‍ നടത്തിയത്​. ഒരു സംവിധാനത്തിനകത്തായിരുന്നു പ്രശ്​നം. ജുഡീഷ്യറിക്ക്​ അകത്ത്​ നിന്നുകൊണ്ടുള്ള പ്രശ്​നപരിഹാരത്തിനാണ്​ ശ്രമിച്ചതെന്നും കുര്യന്‍ ​ജോസഫ്​ വ്യക്​തമാക്കി.

പ്രശ്​നപരിഹാരത്തിനായി ബാഹ്യഇടപെടല്‍ ആവശ്യമില്ല. സാ​േങ്കതികമായി ഇക്കാര്യത്തില്‍ ഇടപെടാന്‍ രാഷ്​ട്രപതിക്ക്​ അധികാരമില്ല. ജഡ്​ജിമാരെ നിയമിക്കുക മാത്രമാണ്​ രാഷ്​ട്രപതിയുടെ ചുമതല. ഇതിനാലാണ്​ സുപ്രീംകോടതിയിലെ പ്രശ്​നങ്ങളുമായി രാഷ്​ട്രപതിയെ സമീപിക്കാതിരുന്നത്​. മാധ്യമങ്ങളെ കാണുക എന്ന വഴി മാത്രമേ തങ്ങള്‍ക്ക്​ മുന്നിലുണ്ടായിരുന്നുള്ളുവെന്നും കുര്യന്‍ ജോസഫ്​ പറഞ്ഞു.

അതേ സമയം, പ്രശ്​നം പരിഹാരത്തിനായി ബാര്‍ കൗണ്‍സിലും ഇടപെടുമെന്ന്​ അറിയിച്ചിട്ടുണ്ട്​. ഞായറാഴ്​ച സുപ്രീംകോടതിയിലെ ജഡ്​ജിമാരുമായി ചര്‍ച്ച നടത്തുമെന്നാണ്​ ബാര്‍ കൗണ്‍സില്‍ അറിയിച്ചിരിക്കുന്നത്​.