പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ ആ​ലിം​ഗ​നത്തെ പരിഹസിച്ച് കോ​ണ്‍​ഗ്ര​സ്. ഹ​ഗ്പ്ലോ​മ​സി എ​ന്ന പേ​രിലാണ് മോദിയുടെ ആലിംഗനത്തെ കോൺഗ്രസ് പരിഹസിച്ചത്. ഇ​സ്ര​യേ​ൽ പ്ര​ധാ​ന​മ​ന്ത്രി ബെ​ഞ്ച​മി​ൻ നെ​ത​ന്യാ​ഹു ഇ​ന്ത്യ സ​ന്ദ​ർ​ശി​ക്കു​ന്നു. പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യി​ൽ​നി​ന്നു കൂ​ടു​ത​ൽ ആ​ലിം​ഗ​ന​ങ്ങ​ൾ പ്ര​തീ​ക്ഷി​ക്കു​ന്നു- ഹ​ഗ്പ്ലോ​മ​സി എ​ന്ന ഹാ​ഷ്ടാ​ഗി​ൽ ട്വി​റ്റി​ൽ ന​ൽ​കി​യ സ​ന്ദേ​ശ​ത്തി​ൽ കോ​ണ്‍​ഗ്ര​സ് കളിയാക്കി.

ഇ​ന്ത്യ​ൻ സ​ന്ദ​ർ​ശ​ന​ത്തി​നെ​ത്തു​ന്ന ഇ​സ്ര​യേ​ൽ പ്ര​ധാ​ന​മ​ന്ത്രി ബെ​ഞ്ച​മി​ൻ നെ​ത​ന്യാ​ഹു​വി​നെ ഡ​ൽ​ഹി​യി​ൽ സ്വീ​ക​രി​ക്കു​ന്ന​തി​നൊ​പ്പം മോ​ദി ന​ട​ത്താ​ൻ സാ​ധ്യ​ത​യു​ള്ള ആ​ലിം​ഗ​ന​മാ​ണ് കോ​ണ്‍​ഗ്ര​സി​ന്‍റെ പ​രി​ഹാ​സ​ത്തി​നു കാരണമായത്. കോ​ണ്‍​ഗ്ര​സ് പ്ര​വ​ചി​ച്ച പോലെത്തന്നെ നെ​ത​ന്യാ​ഹു​വി​നെ മോ​ദി ആലിംഗനം ചെയ്യുകയും ചെ​യ്തി​രു​ന്നു. ട്വീ​റ്റി​നൊ​പ്പം പ്ര​മു​ഖ​രെ മോ​ദി കെ​ട്ടി​പ്പി​ടി​ക്കു​ന്ന വീ​ഡി​യോ​യും കോ​ണ്‍​ഗ്ര​സ് അപ്‌ലോഡ് ചെയ്തിട്ടുണ്ട്.

ഫ്രാ​ൻ​സ് മു​ൻ പ്ര​സി​ഡ​ന്‍റ് ഫ്രാ​ൻ​സ്വ ഒ​ളാ​ന്ദ്, ബെ​ഞ്ച​മി​ൻ നെ​ത​ന്യാ​ഹു, അ​ബു​ദാ​ബി രാ​ജ​കു​മാ​ര​ൻ, ജാ​പ്പ​നീ​സ് പ്ര​ധാ​ന​മ​ന്ത്രി ഷി​ൻ​സോ ആ​ബെ, യു​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ് എ​ന്നി​വ​രെ മോ​ദി കെ​ട്ടി​പ്പി​ടി​ക്കു​ന്ന ദൃ​ശ്യ​ങ്ങ​ളാ​ണ് വീ​ഡി​യോ​യി​ലു​ള്ള​ത്.