സ്ത്രീധനം കൊടുക്കാത്തതിന്റെപേരിൽ മുത്തലാഖ് ചൊല്ലിയശേഷം ഭർത്താവ് ഭാര്യയെ ടെറസിൽനിന്ന് തള്ളിയിട്ട് കൊല്ലാൻ ശ്രമിച്ചു. ഉത്തര്‍പ്രദേശിലെ ഹപുര്‍ ജില്ലയിലാണ് സംഭവം നടന്നത്. അഞ്ചുവര്‍ഷം മുമ്പായിരുന്നു ഷാം മൊഹമ്മദ്ന ര്‍ഗിസ് പര്‍വീണിനെ വിവാഹം ചെയ്യുന്നത്. ഇവര്‍ക്ക് മൂന്നു കുട്ടികളുമുണ്ട്. ഇയാൾ സ്ത്രീധനമായി മൂന്നുലക്ഷം രൂപ ആവശ്യപ്പെട്ടിരുന്നെങ്കിലും അത് നൽകാനുള്ള സാമ്പത്തികശേഷി ഭാര്യയുടെ വീട്ടുകാർക്ക് ഇല്ലായിരുന്നു.

സ്ത്രീധനത്തിന്റെ പേരിൽ ഷാം മൊഹമ്മദ് ഭാര്യയെ ഉപദ്രവിക്കുക പതിവായിരുന്നു. ഗുരുതരമായി പരിക്കേറ്റ യുവതി ആശുപത്രിയിൽ ചികിൽസയിലാണ്. തലയ്‌ക്കും നട്ടെല്ലിനും ഗുരുതരമായി പരിക്കേറ്റ യുവതിയെ ജില്ലാ ആശുപത്രിയിലെ തീവ്രപരിചരണ വിഭാഗത്തിൽ പ്രവേശിപ്പിച്ചിരിക്കുകയാണ്. സംഭവത്തെക്കുറിച്ച് പൊലീസ് കേസെടുത്തിട്ടുണ്ട്. പോലീസ് അന്വേഷണം തുടങ്ങിയിട്ടുണ്ട്.