വിമാനയാത്രയില് മൊബൈല്, ഇന്റര്നെറ്റ് സേവനങ്ങള് ഉപയോഗിക്കാം ; സേവനവുമായി ട്രായ്
വിമാനയാത്രയില് യാത്രക്കാര്ക്ക് മൊബൈല്, ടെലിഫോണ്, ഇന്റര്നെറ്റ് സേവനങ്ങൾ ഉപയോഗിക്കുന്നതിനുള്ള അനുമതി നല്കാമെന്ന് ടെലികോം റെഗുലേറ്റര് . വിമാനങ്ങളിലെ അന്താരാഷ്ട്ര നിയമങ്ങള് കണക്കിലെടുത്ത് അപകടകരമായ ഇടപെടല് ഉണ്ടാകില്ലെന്ന് ഉറപ്പുവരുതിയതിനു ശേഷം രാജ്യത്തിനുള്ളില് നടക്കുന്ന യാത്രകളില് സാറ്റലൈറ്റ്, ടെറസ്ട്രിയല് നെറ്റ്വര്ക്കുകള് ഉപയോഗിച്ച് സേവനം ലഭ്യമാക്കാം.
വോയ്സ്, ഡാറ്റ, വീഡിയോ സര്വ്വീസുകള് ഇന്ത്യന് വ്യോമാതിര്ത്തിയില് വരുന്ന അന്താരാഷ്ട്ര, പ്രാദേശിക ഫ്ളൈറ്റുകളില് ലഭ്യമാക്കുന്നതിനെക്കുറിച്ച് കഴിഞ്ഞ ആഗസ്റ്റിലാണ് ടെലികോം മന്ത്രാലയം ട്രായുടെ ഉപദേശം തേടിയത്. ഇന്ത്യന് വ്യോമാതിര്ത്തിയില് 3000 മീറ്റര് ഉയരമെന്ന പരിധിയും ഇക്കാര്യത്തില് നിശ്ചയിച്ചിട്ടുണ്ട്. വിമാനയാത്രയില് വൈഫൈ സംവിധാനത്തിലൂടെ ഇന്റര്നെറ്റ് സൗകര്യം അനുവദിക്കാൻ നിർദ്ദേശമുണ്ട്. എന്നാൽ ഇത് ഇന്-ഫ്ളൈറ്റ് എയര്പ്ലെയിന് മോഡിലാകണം ഉപയോഗിക്കേണ്ടത്.
https://www.facebook.com/Malayalivartha