ആലിംഗനത്തെ പരിഹസിച്ച കോൺഗ്രസുകാർക്ക് മറുപടിയുമായി നരേന്ദ്ര മോദി
പ്രധാനമന്ത്രി നരേന്ദ്ര മോദിയുടെ ആലിംഗനത്തെ ഹഗ്പ്ലോമസി എന്ന പേരിൽ കോൺഗ്രസ് പരിഹസിച്ചിരുന്നു. ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു ഇന്ത്യ സന്ദർശിക്കുന്നു. പ്രധാനമന്ത്രി നരേന്ദ്ര മോദിയിൽനിന്നു കൂടുതൽ ആലിംഗനങ്ങൾ പ്രതീക്ഷിക്കുന്നു എന്ന് ഹഗ്പ്ലോമസി എന്ന ഹാഷ്ടാഗിൽ കോണ്ഗ്രസ് ട്വീറ്റ് ചെയ്തിരുന്നു. കോൺഗ്രസുകാരുടെ ഈ പരിഹാസത്തിന് മറുപടി നൽകിയിരിക്കുകയാണ് മോദി.
ഒരു ദേശീയ ചാനലിന് നൽകിയ അഭിമുഖത്തിൽ സംസാരിക്കുന്നതിനിടെയാണ് മോദി ഇതിന് മറുപടിയായി പ്രതികരിച്ചത്. 'താനൊരു സാധാരണക്കാരനാണെന്നും അതിനാൽ തന്നെ പ്രോട്ടോക്കോളുകളെ കുറിച്ച് തനിക്ക് അറിവില്ലെന്നുമാണ് മോദി പറഞ്ഞത്. സാധാരണക്കാരനായിരിക്കുന്നതാണ് എന്റെ ശക്തി. എന്റെ ഈ തുറന്ന സമീപനം ലോകനേതാക്കളെ ആകർഷിച്ചിട്ടുണ്ട്. എതിർപ്പുകളെ അവസരങ്ങളാക്കി മാറ്റുകയാണ് എന്റെ രീതി. അതുകൊണ്ടൊക്കെ തന്നെ സൗഹാർദ്ദപമരായ ബന്ധങ്ങൾ എന്നെ തേടിയെത്താറുണ്ട്. മുൻഗാമികളെ പോലെ പ്രോട്ടോക്കോൾ പ്രകാരം താനും ഇടത്തോട്ടും വലത്തോട്ടും തിരിയുകയും ഹസ്തദാനം നടത്തുകയും ചെയ്തിരുന്നെങ്കിൽ എന്താണ് വ്യത്യാസം. ഞാൻ പ്രധാനമന്ത്രി ആയപ്പോൾ ഉണ്ടായ ഏറ്റവും വലിയ വിമർശനം മോദിക്ക് ഗുജറാത്തിന് പുറത്ത് ഒന്നും അറിയില്ലെന്നതായിരുന്നുവെന്നാണ്. ലോക നേതാക്കൾക്കൊപ്പം നിൽക്കുമ്പോൾ ഞാനൊരു വ്യക്തിയല്ല അവിടെ നിൽക്കുന്നത്. മറിച്ച്, ഇന്ത്യയിലെ 125 കോടി വരുന്ന ജനങ്ങളാണ് - മോദി പറഞ്ഞു
https://www.facebook.com/Malayalivartha