ഗോവ അന്താരാഷ്ട്ര ചലച്ചിത്രോത്സവത്തില്‍ നിന്ന് വിലക്കിയിരുന്ന 'നൂഡ്' എന്ന സിനിമ റിലീസിനൊരുങ്ങുന്നു. ഒരു ഷോട്ടിൽപ്പോലും കത്രിക വയ്ക്കാതെയാണ് അഡള്‍ട്ട് ഒണ്‍ലി സര്‍ട്ടിഫിക്കറ്റുനേടി ചിത്രമെത്തുന്നത്. വിദ്യാ ബാലൻ ജൂറി അധ്യക്ഷയായ ദേശീയ സെന്‍സര്‍ ബോര്‍ഡിന്‍റെ പ്രത്യേക ജൂറിയാണ് ചിത്രം വിലയിരുത്തിയത്.

ചിത്രത്തിന്‍റെ സംവിധായകനായ രവി ജാദവ് തന്നെയാണ് ഇക്കാര്യം ട്വിറ്ററിലൂടെ അറിയിച്ചത്. ചിത്രം കണ്ടതിനുശേഷം ജൂറി അംഗങ്ങള്‍ ചിത്രത്തിന്റെ അണിയറയില്‍ പ്രവര്‍ത്തിച്ചവരെ പ്രശംസിച്ചുവെന്നും അദ്ദേഹം ട്വീറ്റ് ചെയ്തു. ചിത്രം വൈകാതെ തന്നെ തിയേറ്ററുകളിലെത്തും. ചിത്രരചന അഭ്യസിക്കുന്ന വിദ്യാര്‍ത്ഥികള്‍ക്ക് നഗ്ന മോഡലാകുന്ന ഒരു യുവതിയുടെ കഥയാണ് നൂഡ് പറയുന്നത്. ചിത്രത്തിന്റെ ട്രെയിലര്‍ കാണാം...