ആരോപണങ്ങളും ആക്രമണങ്ങളും പത്മാവതിനെ വിട്ടൊഴിയുന്നില്ല. നിമിഷങ്ങൾ കടന്നുപോകുമ്പോൾ പുതിയപുതിയ വിവാദങ്ങളാണ് പത്മാവതുമായി ബന്ധപ്പെട്ട് ഉണ്ടാകുന്നത്. ചുരുക്കിപ്പറഞ്ഞാൽ ഒരു പാട് ആരോപണങ്ങൾക്കു നടുവിലേക്കാണ് പത്മാവത് എത്തുന്നത്. ഇപ്പോഴിതാ മുസ്ലീം സംഘടനകളും പത്മാവതിനെതിരെ രംഗത്തു വന്നിരിക്കുന്നു. എ.ഐ. എം. ഐ.എം പ്രസിഡന്റും ഹൈദ്രബാദിൽ നിന്നുമുള്ള എം.പിയും കൂടിയായ അസാസുദ്ദീൻ ഒവൈസിയാണ് സിനിമക്കെതിരെ ഇപ്പോൾ രംഗത്തു വന്നിരിക്കുന്നത്.

പത്മാവത് സിനിമ വെറും അസംബന്ധം ആണെന്നും മുസ്ലീംങ്ങൾ ഈ സിനിമ കാണരുതെന്നും ആണ് ഒവൈസിയുടെ വാദം. വാറങ്കലിൽ സംസാരിക്കുകയായിരുന്നു എംപി.

ദൈവം മനുഷ്യരെ സൃഷ്ടിക്കുന്നത് രണ്ടര മണിക്കൂർ സിനിമ കണ്ടു നശിപ്പിക്കാനല്ല. മുസ്ലീങ്ങൾ ഈ സിനിമ കണ്ടു സമയം കളയരുതെന്നും അദ്ദേഹം പറഞ്ഞു. കൂടാതെ പ്രധാനമന്ത്രിക്കു നേരെയും ഒവൈസി തിരിഞ്ഞു. മുത്തലാഖ് നിരോധിച്ചപ്പോൾ ആരോടും ചോദിക്കാത്ത പ്രധാനമന്ത്രി ഈ സിനിമ കാണാൻ 12 അംഗ സമിതിയെ നിയോഗിച്ചത് അനീതിയാണെന്നും ഒവൈസി പറഞ്ഞു.