ജസ്റ്റിസ് ബി എച്ച്‌ ലോയയുടെ ദുരൂഹമരണക്കേസ് സംബന്ധിച്ച ഹര്‍ജി ചീഫ് ജസ്റ്റിസ് ദീപക് മിശ്ര അധ്യക്ഷനായ ബെഞ്ച് പരിഗണിക്കും. ജസ്റ്റിസ് അരുണ്‍ മിശ്ര കേസ് പരിഗണിക്കുന്നതില്‍ നിന്ന് പിന്‍മാറിയ സാഹചര്യത്തിലാണ് കേസ് ചീഫ് ജസ്റ്റിസ് അധ്യക്ഷനായ ബെഞ്ചിന് കൈമാറിയത്. തിങ്കളാഴ്ച്ചയാണ് കേസ് പുതിയ ബെഞ്ച് പരിഗണിക്കുന്നത്.

ലോയയുടെ കേസ് മുതിര്‍ന്ന ജഡ്ജിമാരെ ഏല്‍പ്പിക്കാതെ ജൂനിയര്‍ ജഡ്ജിയെ ഏല്‍പിച്ചതു കാരണം നാലു മുതിര്‍ന്ന ജഡ്ജിമാരുടെ വാര്‍ത്താ സമ്മേളനത്തിലെത്തിയിരുന്നു. നാലു ജഡ്ജിമാരുടെ വാര്‍ത്താ സമ്മേളനം തന്റെ പ്രതിഛായയെ ബാധിച്ചു എന്ന് അരുണ്‍മിശ്ര കഴിഞ്ഞ ദിവസം പൊട്ടിത്തെറിച്ചിരുന്നു. ഇതിനു ശേഷമാണ് ജസ്റ്റിസ് അരുണ്‍മിശ്രയുടെ പിന്‍മാറ്റം.

ഗുജറാത്തിലെ സൊഹ്‌റാബുദ്ദീന്‍ വ്യാജ ഏറ്റുമുട്ടളിൽ ബി.ജെ.പി അദ്ധ്യക്ഷൻ അമിത്ഷാ പ്രതിയായിരുന്ന കേസിൽ അമിത്ഷാ നേരിട്ട് ഹാജരാകണമെന്ന് ഉത്തരവിട്ടതിന് പിന്നാലെയാണ് ജഡ്ജിയെ നാഗ്പ്പൂരിലെ ഗസ്റ്റ് ഹൗസിൽ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തിയത്.

2014 ഡിസംബര്‍ 1നായിരുന്നു സംഭവം. ജഡ്ജിയുടെ മരണത്തെ കുറിച്ച് അദ്ദേഹത്തിന്‍റെ കുടുംബത്തിന് സംശയങ്ങളുണ്ടെന്നും ഇക്കാര്യം അന്വേഷിക്കണമെന്നും ദില്ലി ഹൈക്കോടതി ജഡ്ജിയായിരുന്ന ജസ്റ്റിസ് എ.പി.ഷാ ചീഫ് ജസ്റ്റിസിന് അയച്ച കത്തിൽ ആവശ്യപ്പെട്ടിരുന്നു. ഇതടോപ്പം അഭിഭാഷകരുടെ സംഘടകളും ഹര്‍ജി നൽകി.