മൊബൈല്‍ നമ്പർ ആധാറുമായി ബന്ധിപ്പിക്കാത്തതിൽ ആധാർ ഡയറക്ടറിനും പണി കിട്ടിയിരിക്കുകയാണ്‌. യുഐഡിഎഐയുടെ ഡയറക്ടറുടെ ഫോണ്‍ കട്ടായത് ആധാര്‍ അധികൃതര്‍ക്കും ആകെ നാണക്കേടായിരിക്കുകയാണ്. തന്നെ മൊബൈല്‍ കമ്പനി മണ്ടനാക്കുകയാണെന്നാണ് ആധാർ ഡയറക്ടർ പ്രഭാകര്‍ പറയുന്നത്. പൊതുജനങ്ങള്‍ക്കും ഫോണ്‍ കമ്പനികള്‍ക്കും ആധാര്‍ ഐഡി കാര്‍ഡുകള്‍ വിതരണം ചെയ്യുന്ന വിഭാഗത്തിന് താനാണ് നേതൃത്വം നൽകുന്നത് എന്നിട്ടും തന്നെ മണ്ടനാക്കിയെന്ന് പ്രഭാകര്‍ ആരോപിക്കുന്നു. അഞ്ച് ദിവസം മുന്‍പ് ഒറ്റത്തവണ പാസ്വേര്‍ഡ് (ഒടിപി) ഉപയോഗിച്ചു ആധാറുമായി തന്റെ സിം ബന്ധിപ്പിച്ചിരുന്നെന്നും എന്നിട്ടും വിരലടയാളം ആവശ്യപ്പെട്ടു മൊബൈല്‍ കമ്പനി കണക്ഷന്‍ വിച്ഛേദിച്ചതാണെന്നും പ്രഭാകര്‍ പറയുന്നു.

മൊബൈല്‍ കമ്പനിയുടെ കസ്റ്റമര്‍ കെയറില്‍ അന്വേഷിച്ചപ്പോള്‍ ഐഡന്റിറ്റി തെളിയിക്കുന്ന രേഖകള്‍ ഹാജരാക്കണമെന്നാണ് കമ്പനി പ്രഭാകറിനോട് ആവശ്യപ്പെട്ടത്. എന്തായാലും മൊബൈല്‍ കമ്പനിയുടെ ആവശ്യം അംഗീകരിക്കാന്‍ പ്രഭാകര്‍ തയ്യാറല്ല. താനെന്തിനാണ് എന്റെ ഐഡന്റിറ്റി ഇനിയും അവര്‍ക്ക് മുന്നില്‍ തെളിയിക്കുന്നതെന്നും ആധാര്‍ വെരിഫിക്കേഷൻ കഴിഞ്ഞതാണെന്നും പ്രഭാകർ പറയുന്നു. സിം കണക്ഷന്‍ എടുക്കുമ്പോള്‍ എല്ലാ രേഖകളും ഹാജരാക്കിയിരുന്നുവെന്നും പ്രഭാകര്‍ പറഞ്ഞു.