ഉത്തർപ്രദേശിൽ ഒമ്പത് വയസുകാരിയെ ലൈംഗികമായി പീഡിപ്പിച്ചയാൾക്ക് അഞ്ച് വർഷം തടവ് ശിക്ഷ നൽകിക്കൊണ്ടാണ് കോടതിയുടെ സുപ്രധാന പരാമർശം. സ്ത്രീയുടെ ശരീരത്തിന്റെ ഉടമസ്ഥ അവളാണ്. ഏത് ലക്ഷ്യത്തോടെ ആയാലും സ്ത്രീയുടെ ശരീരത്തിൽ അവളുടെ അനുവാദമില്ലാതെ ആരും സ്പർശിക്കാൻ പാടില്ല. നിർഭാഗ്യവശാൽ,​ കാമം ശമിപ്പിക്കുന്നതിന് സ്ത്രീയുടെ ശരീരത്തിൽ തൊടുന്ന പുരുഷന്മാർ രണ്ടാമതൊന്ന് ആലോചിക്കാറു പോലുമില്ല.

സ്ത്രീകളെ ഉപദ്രവിക്കുന്നതിലൂടെ അത്തരം ലൈംഗികദാഹികൾക്ക് ഒരുതരം സുഖം ലഭിക്കുമായിരിക്കും. എന്നാലിത് സ്ത്രീകളുടെ സ്വകാര്യതയിലേക്കുള്ള കടന്നുകയറ്റമാണെന്നും കോടതി പറഞ്ഞു. വടക്കൻ ഡൽഹിയിലെ മുഖർജീ നഗറിൽ 2014ലാണ് കേസിനാസ്പദമായ സംഭവം നടന്നത്. പ്രായപൂർത്തിയാവാത്ത പെൺകുട്ടിയെ യു.പി സ്വദേശിയായ രാം പീഡിപ്പിക്കാൻ ശ്രമിക്കുകയായിരുന്നു.

ലൈംഗിക പീഡകനായ രാം ഒരു തരത്തിലുള്ള ദയയും അർഹിക്കുന്നില്ലെന്ന് പറഞ്ഞ കോടതി,​ 10,​000 രൂപ പിഴയടയ്ക്കാനും ഉത്തരവിട്ടു. ഇതിൽ 5000 രൂപ പെൺകുട്ടിക്ക് കൊടുക്കണം. ഇത് കൂടാതെ 50,​000 രൂപ പെൺകുട്ടിക്ക് നൽകാൻ ഡൽഹി ലീഗൽ സർവീസ് അതോറിറ്റിയോടും കോടതി നിർദ്ദേശിച്ചു.