എല്ലാ ട്രെയിനുകളിലും സ്റ്റേഷനുകളിലും സിസിടിവി ക്യാമറകൾ സ്ഥാപിക്കാനൊരുങ്ങി ഇന്ത്യൻ റെയിൽവേ
ട്രെയിനുകളിൽ നടക്കുന്ന അക്രമങ്ങളുടെ എണ്ണം വർധിച്ചുകൊണ്ടിരിക്കുകയാണ്. ട്രെയിനിൽ യാതൊരു തരത്തിലുള്ള സുരക്ഷയും യാത്രക്കാർക്ക് ലഭ്യമല്ല. ഇത്തരത്തിൽ അക്രമങ്ങള് വർധിച്ചുവരുന്ന സാഹചര്യത്തില് യാത്രക്കാര്ക്ക് സുരക്ഷ ഉറപ്പാക്കുക എന്ന ലക്ഷ്യത്തോടെ ഇന്ത്യൻ റെയിൽവേ എല്ലാ ട്രെയിനുകളിലും സ്റ്റേഷനുകളിലും സിസിടിവി കാമറകൾ സ്ഥാപിക്കാൻ ഒരുങ്ങുകയാണ്.
12 ലക്ഷം സിസിടിവി കാമറകൾ ഇതിനായി വാങ്ങാൻ റെയിൽവേ തീരുമാനിച്ചതായാണ് സൂചന. 3000 കോടിരൂപ 2017-18 ലെ കേന്ദ്ര ബജറ്റിൽ ഇതിനുവേണ്ടി വകയിരുത്തുമെന്നാണ് റിപ്പോർട്ടുകൾ. 11,000 ട്രെയിനുകളിലും 8,500 സ്റ്റേഷനുകളിലും പുതിയതായി കാമറകൾ സ്ഥാപിക്കാനാണ് ഒരുങ്ങുന്നത്. നിലവിൽ രാജ്യത്തെ 50 ട്രെയിനുകളിലും 395 സ്റ്റേഷനുകളിലും മാത്രമാണ് സിസിടിവി കാമറകൾ ഉള്ളത്.
https://www.facebook.com/Malayalivartha