സുപ്രീം കോടതി ചീഫ് ജസ്റ്റിസ് ദീപക് മിശ്രയെ ഇംപീച്ച്‌ ചെയ്യാനുള്ള സിപിഎം തീരുമാനത്തിനെതിരെ ബിജെപി നേതാവ് സുബ്രഹ്മണ്യം സ്വാമി. ചീഫ് ജസ്റ്റിസിനെ ഇംപീച്ച്‌ ചെയ്യാനുള്ള നടപടികൾ പ്രതിപക്ഷ പാർട്ടികളുമായി ആലോചിച്ച ശേഷം തീരുമാനിക്കുമെന്ന് സിപിഎം ജനറൽ സെക്രട്ടറി സീതാറാം യെച്ചൂരി കഴിഞ്ഞ ദിവസം പറഞ്ഞിരുന്നു.

യെച്ചൂരിക്ക് ഇംപീച്ച്‌ മെന്റിന്റെ നടപടിക്രമങ്ങള്‍ അറിയില്ലേയെന്നും പാര്‍ലമെന്റില്‍ ഭൂരിപക്ഷമുണ്ടെങ്കിലേ ഇംപീച്ച്‌ ചെയ്യാനാകൂവെന്നും അദ്ദേഹം പറഞ്ഞു. പാർലമെന്റിൽ പ്രതിപക്ഷത്തിന് ഭൂരിപക്ഷമില്ല. അടിസ്ഥാന രഹിതമായ കാര്യങ്ങൾ പറഞ്ഞ് ശക്തി കാണിക്കാനാണ് പ്രതിപക്ഷ ശ്രമമെന്നും അദ്ദേഹം പറഞ്ഞു.

സുപ്രീംകോടതി നടപടികളിലെ സുതാര്യത ഉറപ്പാക്കണമെന്ന ആവശ്യവുമായി മുതിർന്ന ജഡ്ജിമാരായ ജസ്തി ചെലമേശ്വര്‍, രഞ്ജന്‍ ഗൊഗോയ്, മദന്‍ ബി.ലോകൂര്‍, കുര്യന്‍ ജോസഫ് എന്നിവര്‍ ചീഫ് ജസ്റ്റിസിനെതിരെ രംഗത്തെത്തിയിരുന്നു.