ഇന്ന് രാജ്യത്തിന്‍റെ അറുപത്തിയൊമ്പതാമത് റിപ്പബ്ലിക് ദിനം. ഇന്ത്യ ബ്രിട്ടീഷ് ഭരണത്തിൽ നിന്നും മോചിതമായി ഒരു പരമോന്നത റിപ്പബ്ലിക് രാജ്യമായതിന്റെ ഓർമ്മ. റിപ്പബ്ലിക് ദിനാഘോഷത്തിന്‍റെ ഭാഗമായി സംസ്ഥാനത്തും വിപുലമായ പരിപാടികൾ ഒരുക്കിയിട്ടുണ്ട്. ഇന്ന് എട്ടരക്ക് ഗവർണർ പി.സദാശിവം സെൻട്രൽ സ്റ്റേഡയത്തിൽ പതാക ഉയർത്തും.

വിവിധ സേനാ വിഭാഗങ്ങളുടെ അഭിവാദ്യം ഏറ്റുവാങ്ങിയ ശേഷം അദ്ദേഹം റിപ്ലബിക് ദിന സന്ദേശം നൽകും. സെൻട്രൽ സ്റ്റേഡിയത്തിലും പരിസരത്തും കർശന സുരക്ഷ സംവിധാനങ്ങളാണ് ഏർപ്പെടുത്തിയിരിക്കുന്നത്. എല്ലാ ജില്ലാ കേന്ദ്രങ്ങളിലും മന്ത്രിമാർ ദേശീയ പതാക ഉയർത്തും.