പ്രമുഖ ബംഗാളി നടിയും പത്മപുരസ്‌കാര ജേത്രിയുമായ സുപ്രിയാ ദേവി അന്തരിച്ചു
26 JANUARY 2018 12:57 PM IST
മലയാളി വാര്‍ത്ത
പ്രമുഖ ബംഗാളി നടിയും പത്മപുരസ്‌കാര ജേത്രിയുമായ സുപ്രിയാ ദേവി(83)അന്തരിച്ചു. ഹൃദയസ്തംഭനമാണ് മരണ കാരണം. ഏറെ നാളായി രോഗശയ്യയിലായിരുന്ന സുപ്രിയാ ദേവി അവസാന നാളുകളില്‍ മകള്‍ക്കൊപ്പം ബല്ലിഗുന്‍ജിലെ വീട്ടിലായിരുന്നു താമസം.
1935ല്‍ ബര്‍മ്മയിലായിരുന്നു സുപ്രിയയുടെ ജനനം. തന്റെ ഏഴാം വയസില്‍ നാടകത്തിലൂടെയായിരുന്നു അഭിനയത്തിലേക്കുള്ള കടന്നു വരവ്. തുടര്‍ന്ന് ബസുപരിവാര്‍ എന്ന ചിത്രത്തില്‍ ഉത്തംകുമാറിനൊപ്പമായിരുന്നു നായികയായുള്ള സുപ്രിയയുടെ സിനിമാ പ്രവേശം. പിന്നീടങ്ങോട്ട് വളരെ വര്‍ഷക്കാലം ബംഗാളി സിനിമയിലെ കിരീടം വയ്ക്കാത്ത രാജകുമാരി തന്നെയായിരുന്നു സുപ്രിയാ ദേവി.
2014ലാണ് രാജ്യം പത്മശ്രീ നല്‍കി സുപ്രിയയെ ആദരിച്ചത്. ഇതു കൂടാതെ ബംഗാളിലെ പരമോന്നത പുരസ്‌കാരമായ ബംഗാ വിഭൂഷണ്‍, ടൈംസിന്റെ ബി.എഫ്.ജെ.എ പുരസ്‌കാരെ എന്നിവ ഈ അനുഗ്രഹീത കലാകാരിയെ തേടി എത്തി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
